«Aýyl» partııasynyń ókilderi óńir turǵyndarymen kezdesýde

NUR-SULTAN. QazAqparat - Quramyna Soltústik Qazaqstan oblysynyń oblystyq jáne aýdandyq máslıhattaryna úmitkerler engen «Aýyl» Halyqtyq-demokratııalyq patrıottyq partııasynyń úgit-nasıhat toby «Azııa Tarangýl» JShS-da boldy. Eńbek ujymymen kezdesý «Aýyldan aýylǵa» aktsııasy aıasynda «Aýyl» partııasynyń óńirlik fılıalynyń basshysy Temirǵalı Ábilmájinovtiń qatysýymen ótti, dep habarlaıdy QazAqparat.

Sharýashylyq basshysynyń aıtýynsha, «Aýyl» partııasynyń azyq-túlik qaýipsizdigi týraly zańdy qabyldaý jónindegi bastamasy óte ýaqytyly, óıtkeni sońǵy jyldary AÓK sýbektilerin memlekettik qoldaý júıesinde «turaqtylyq» uǵymy joǵalyp ketti.

Kezdesýde sondaı-aq, kóktemgi egis jáne egin jınaý jumystary kezinde aýyl sharýashylyǵy tehnıkasyn jańartýdyń tómen deńgeıi jáne janar-jaǵarmaı qoljetimdiligi máseleleri aıtyldy.

Sondaı-aq, búginQR Parlamenti Májilisiniń depýtattyǵyna úmitkerler jáne oblystyq, aýdandyq máslıhattar depýtattyǵyna kandıdattar Pavlodar, Shyǵys Qazaqstan, Soltústik Qazaqstan, Túrkistan oblystarynda sharýa qojalyq ujymdarymen jáne isker áıeldermen, kópbalaly analarmen kezdesýler ótkizdi.

Pavlodar oblysy, Pavlodar aýdany, Naberejnoe aýylynda QR Parlamenti Májilisiniń depýtattyǵyna úmitker Arsıýtın N.G., Pavlodar oblystyq máslıhat depýtattyǵyna úmitkerler Amanjolov B.A., Toqtýshakov E.Ch., «Aýyl» HDPP qoǵamdyq birlestiginiń senimdi ókilderi Baıgýrmanov E.N., Batyrshaev A.O., Jeksenbı M.A. «Andas» sharýa qojalyǵynyń ujymymen júzdesti.

Túrkistan qalasynda QR Parlament májilisine úmitkerler Q.Á.Aralbekova, R.Á.Toqseıtova, B.Tólegen Túrkistan qalalyq máslıhatyna úmitker Q.K.Báımen, Qazyǵurt aýdandyq máslıhatyna úmitker S.Stybaeva isker áıeldermen jáne kópbalaly analarmen kezdesip, partııanyń saılaýaldy baǵdarlamasyn tanystyrdy jáne kópbalaly analardyń máselelerin tyńdady.

ShQO, Glýbokoe aýdany, Praporşıkovo kentinde «Aýyl» HDPP-sy atynan oblystyq jáne aýdandyq máslıhattarǵa kandıdattar M.T.Faradjev «Mýrzykanova» ShQ-nyń ujymymen kezdesti.