«Aýyl» partııasynyń ókilderi Astana elektrotehnıkalyq zaýyty ujymymen júzdesti

NUR-SULTAN. QazAqparat - Búgin Nur-Sultan qalasynda QR Parlamenti Májilisine kandıdattar Q.Aıtýǵanov, T. Rahymbekov jáne T. Zeınýllın «Astana elektrotehnıkalyq zaýyty» JShS-de (burynǵy Tselınselmash) bolyp, eńbek ujymymen kezdesti, dep habarlaıdy QazAqparat partııanyń baspasóz qyzmetine silteme jasap.

Aldymen zaýyt dırektory A.Syzdyqov depýtattyqqa kandıdattardy zaýyt jumysymen tanystyrdy. Ol Qazaqstan ekonomıkasynyń barlyq salalary úshin sapaly jáne qajetti elektr tehnıkalyq jabdyqtardy óndirý boıynsha zaýyt turaqty jumys istep turǵanyn atap ótti.

Zaýyt qyzmetkerleri aldynda sóılegen depýtattyqqa kandıdat T.Rahymbekov «Aýyl» partııasy jumysshylardyń zańdy quqyqtaryna erekshe nazar aýdaratynyn atap ótti.

Osydan keıin «Aýyl» partııasynan depýtattyqqa kandıdattar QR Kásipodaqtar federatsııasy tóraǵasynyń orynbasary jáne Kásipodaqtar federatsııasynyń respýblıkalyq baqylaýshylar shtabynyń jetekshisi Nurlan Óteshevpen kezdesip, jumysshylardyń quqyqtaryn qorǵaý jáne saılaý úderisindegi baqylaýshylardyń róli jónindegi máselelerdi talqylady.

Kezdesý barysynda «Aýyl» partııasynyń Respýblıkalyq qoǵamdyq shtabynyń jetekshisi, depýtattyqqa kandıdat Tóleýtaı Rahymbekov Qazaqstannyń kásipodaqtar Federatsııasy memlekettik bılik organdarynan, jumys berýshilerden jáne saıası partııalardan táýelsiz birneshe qoǵamdyq ınstıtýttardyń biri bolyp tabylatynyn atap ótti. Otyz jyldan beri Federatsııa azamattyq qoǵamnyń quqyǵyn laıyqty qorǵap keledi jáne óziniń erekshe bedeliniń arqasynda baıqaýshy retinde saılaýǵa únemi qatysyp keledi.

T.Rahymbekovtyń pikirinshe, federatsııanyń óńirlerdegi ókildiliginiń joǵary deńgeıi, onyń obektıvtiligi men minsiz tájirıbesi saılaý ýchaskelerin barynsha qoǵamdyq baqylaýmen qamtýǵa múmkindigi baryn, bul elektoratty belsendilikke yntalandyrý úshin mańyzdy faktor ekenin aıtty.

Jalpy, Kásipodaqtar federatsııasynyń respýblıkalyq baqylaýshylar shtabynyń jetekshisi Nurlan Óteshev habarlaǵandaı, daýys berý barysyn 7 myńǵa jýyq adam baqylaıtyn bolady jáne olardyń árqaısysy saılaýshylarǵa májbúrli túrde yqpal etý áreketteriniń jolyn kesedi.