«Aýyl» partııasynyń kandıdattary qolóner sheberlerimen kezdesti

NUR-SULTAN. QazAqparat - «Aýyl» halyqtyq-demokratııalyq partııasynyń kandıdattary halyqpen kezdesýin jalǵastyrýda, dep habarlaıdy QazAqparat partııanyń baspasóz qyzmetine silteme jasap.

15 jeltoqsanda «Aýyl» halyqtyq-demokratııalyq patrıottyq partııasynyń tizimimen Parlament Májilisine usynylǵan kandıdattar B.Tólegen, A.Kókeeva jáne Nur-Sultan qalasy máslıhatyna úmitkerler F. Engıshev pen A.Elýbaeva qolóner sheberlerimen kezdesti.

Kezdesýge otandyq qolóner sheberleri qatysyp, «Aýyl» partııasy kandıdattaryna óz ónimderin kórsetti. Sheberlerdiń basym bóligi - qandastar.

«Aýyl» partııasynyń kandıdattarymen kezdesýge etnodızaıner, Eýrazııa dızaınerler odaǵynyń múshesi, Qazaq ulttyq dızaın akademııasynyń akademıgi Qazıpa Qalıqyzy, Dúnıejúzi qazaqtary qaýymdastyǵynyń Aqmola oblysy fılıalynyń basshysy, grafıkalyq jarnama dızaıneri Altyngúl Mádenqyzy qatysty.

Kezdesý sońynda «aýyldyq» kandıdattar kelýshilerge partııanyń saılaýaldy baǵdarlamasynyń negizgi baǵyttaryn táptishtep túsindirip berdi.