«Aýyl» partııasynyń birneshe óńir turǵyndarymen kezdesti

NUR-SULTAN. QazAqparat - 6 qańtarynda «Aýyl» partııasynyń tóraǵasy Álı Bektaev bastaǵan úgit-nasıhat toby Aqmola oblysy Aqkól aýdanyndaǵy «Azat Et» kooperatıvinde bolyp, onyń qatysýshylarymen kezdesti. Bul týraly QazAqparat partııanyń baspasóz qyzmetine silteme jasap habarlaıdy.

«Azat Et» - Qazaqstandaǵy mal sharýashylyǵy salasyndaǵy jumystyń turaqtylyǵyn kórsetetin jáne birlesken qyzmettiń barlyq dástúrin saqtaǵan alǵashqy jáne ázirshe jalǵyz kooperatıv.

Sondaı-aq, búgin oblystyq jáne aýdandyq máslıhattar depýtattyǵyna kandıdattar Qyzylorda, Túrkistan oblystarynda jáne Almaty qalasynda kásiporyndar jáne medıtsına salasynyń qyzmetkerlerimen kezdesti.

Sonymen qatar, Qyzylorda oblystyq, qalalyq maslıhattarǵa kandıdattar «Qyzylorda «Kvant» mehanıkalyq zaýyty bazasynda «Injenerlik-tehnıkalyq óndiristi uıymdastyrý tájirıbesi jáne problemalary» taqyrybynda atalmysh kásiporyn ujymymen kezdesý ótkizdi.

Túrkistan oblystyq máslıhat depýtattyǵyna kandıdattar S.Erejepov, K.Kadyrbekov, J.Ibragımov jáne Tólebı aýdandyq máslıhatyna úmitkerler J.Nysanbaev, E.Maılybaev, A.Myńbaev, T.Seıdanov, A.Shaınekovtyń qatysýymen Tólebı aýdany «Qazyǵurt» ÓK ujymymen kezdesý ótti.

Sondaı-aq, Almaty qalalyq máslıhat depýtattyǵyna úmitkerler Mahambet Hasenov, Shynar Iskakova, Qýanysh Turabaev « B.O.Jarbosynov atyndaǵy Ýrologııa ǵylymı ortalyǵynyń qyzmetkerlerimen kezdesti.