«Aýyl» partııasynyń belsendileri «Jaıyq agro» JShS eńbek ujymymen kezdesti
«Aýyldyqtar» aldymen óndiristik keshenmen tanysty. Olardyń pikirinshe, qaıta óńdeý kásiporyndary AÓK júıesindegi negizgi býyn, óıtkeni bir jaǵynan olar qosylǵan qundy qalyptastyrady jáne salanyń ınvestıtsııalyq tartymdylyǵyn arttyrady, al ekinshi jaǵynan aýyl sharýashylyǵy óndirýshilerinen jáne jeke aýlalardan shıkizatty turaqty satyp alýdy qamtamasyz etedi.
Batys Qazaqstan oblysy máslıhatynyń depýtattyǵyna kandıdat T.Eskendirovtiń aıtýynsha, qaıta óńdeý kásiporyndary shıkizattyń 60%-dan astamyn jeke aýlalardan, ıaǵnı jeke tulǵalardan satyp alady. Sonymen qatar, qosylǵan qun salyǵy et kombınattaryna jeke qosalqy sharýashylyqtarǵa jaqsy baǵa usynýǵa múmkindik bermeıdi, sondyqtan shıkizattyń edáýir bóligi tıisti óńdeýsiz deldaldar arqyly naryqqa ketedi.
Sonymen qatar, búgin máslıhattar depýtattyǵyna kandıdattar óńirlerde birqatar mańyzdy kezdesýler ótkizdi. Máselen, Pavlodar oblysynda QR Parlamenti Májilisiniń depýtattyǵyna kandıdat N.G. Arsıýtın, Pavlodar oblystyq máslıhatynyń depýtattyǵyna kandıdattar B. A.Amanjolov, E.Ch.Toqtýshakov jáne partııanyń senimdi ókilderi E.N.Baıǵurmanov, A.O.Batyrshaev Aqsý aýdany Qalqaman aýylynyń turǵyndarymen kezdesti.
Mańǵystaý oblysy Beıneý aýdanyndaǵy «Bereke» ShQ bazasynda «Sharýa qojalyq aýyl ómiriniń dińgegi» atty is-shara ótkizildi, oǵan «Aýyl» partııasynan aýdandyq máslıhat depýtattyǵyna kandıdattar N.Sadyǵulov, Ǵ.Malbasarova, Y.Baqytov, aýdandyq shtab músheleri, partııa belsendileri qatysty.
