«Aýyl» partııasynan prezıdenttikke úmitker Jıgýlı Daırabaev lıngvıstıka emtıhanynan ótti

ASTANA. QazAqparat – QR prezıdenttigine «Aýyl» halyqtyq-demokratılıaq patrıottyq partııasynyń atynan usynylǵan úmitker Jıgýlı Daırabaev memlekettik til emtıhanyn sátti tapsyrdy, dep habarlaıdy QazAqparat tilshisi.

«Jıgýlı Daırabaevtyń shyǵarma taqyryby «Meniń elim, meniń jerim» dep ataldy.

Ekinshi - mánerlep oqýdan Abaı óleńderin oqydy.

Úshinshi - erkin taqyrypta nemese «sharshy sózde» «Kúshimiz - birlikte» degen taqyrypty aldy. Shyǵarmasyn jaza aldy, oıyn jetkizdi. Abaı óleńderin mánerlep oqydy. «Kúshimiz birlikte» taqyrybynda oıyn erkin jetkize aldy. Komıssııa «Jıgýlı Daırabaev myrza memlekettik tildi erkin meńgergen» degen qorytyndy jasady», - dedi lıngvıstıka komıssııasynyń múshesi Dıhan Qamzabek.

Eske salaıyq, búgin OSK halyq koalıtsııasy usynǵan Qasym-Jomart Toqaevtyń QR prezıdenttigine kandıdatýrasyn barlyq talaptarǵa saı dep sheshti. Q.Toqaev lıngvıstıka emtıhanyn nelikten tapsyrmaıtyny túsindirildi.

Sondaı-aq «Amanat» Qazaqstan kásipodaqtar dostastyǵy» respýblıkalyq birlestigi usynǵan Meıram Qajykenniń kandıdatýrasy talaptarǵa saı degen qorytyndy jasaldy. M.Qajyken lıngvıstıka emtıhanynan sátti ótti.

Budan bólek, «Kásibı áleýmettik jumyskerler Ulttyq alıansy» respýblıkalyq qoǵamdyq birlestiginen usynylǵan kandıdat Qaraqat Ábden OSK-ǵa qujattaryn tapsyrdy.