«Aýyl» partııasy saılaý naýqanyn Qazyǵurt taýynyń eteginde bastady

QAZYǴURT. QazAqparat - Búgin Túrkistan oblysy Qazyǵurt taýynyń etegindegi «Keme qalǵan» alańynda «Aýyl» halyqtyq-demokratııalyq patrıottyq partııasy Qazaqstan Respýblıkasy Parlamenti Májilisi men máslıhat depýtattaryn saılaý naýqanyn bastady, dep habarlaıdy QazAqparat atalmysh saıası uıymnyń baspasóz qyzmetine silteme jasap.

Іs-sharaǵa QR Parlamenti Májilisiniń depýtattyǵyna kandıdattar: T.S.Rahımbekov, K. K. Aıtýǵanov, B. Tólegen, Z. A. Álipbekov, D. Kápuly, K. A. Aralbekova, N. G. Arsıýtın, A. A. Satybaldın, D. K. Qýatov jáne B. D. Qystaýov qatysty.

«Aýyl» partııasynyń tóraǵasy Álı Bektaev, QR Parlamenti Májilisiniń depýtattyǵyna kandıdat Qarlyǵash Aralbekova, Parlament Májilisiniń depýtattyǵyna kandıdat, aqyn jáne jazýshy Dáýletkereı Qapuly quttyqtaý sóz sóıledi.

Aqsaqaldardyń atynan memleket jáne qoǵam qaıratkeri, «Aýyl» partııasynyń Túrkistan oblysy boıynsha óńirlik fılıalynyń basshysy Ismat Tursynqululy tilek bildirdi.

Qazaqstandyq estrada ókilderi - Jubanysh Jeksenuly, Meıramkúl Tantabaeva, Bákir Bekturov, «Megapolıs» trıosy, Pavel Kım aýyl jaıly, Otanǵa degen súıispenshilik týraly ánder shyrqady.

Іs-shara sherýmen aıaqtaldy.