«Aýyl» partııasy praımerız ótkize me

NUR-SULTAN. QazAqparat - «Aýyl» halyqtyq-demokratııalyq patrıottyq partııasy praımerız ótkize me? Bul saýalǵa búgin partııanyń ortalyq apparatynyń jetekshisi Qýanysh Seıitjanov jaýap berdi, dep habarlaıdy QazAqparat tilshisi.

«Demokratııalyq qoǵamda ár partııanyń ishki irikteý júıesiniń árqıly bolýy zańdylyq. Bul saýalǵa naqty jaýap qajet bolsa, onda - «Aýyl» partııasynyń josparynda praımerız ótkizý joq. Biraq, óńirlerde 17 fılıalymyz, 200-den astam aýdandyq partııa uıymymyz, 500-den astam bastaýysh partııa uıymymyz bar. Osy ýaqyt aralyǵynda belsendilerimiz iriktelip, anyqtalyp jatyr. ıAǵnı, bizdiń partııanyń ustanǵan strategııasy sál basqalaý. Demek, biz basqa partııalardy qaıtalaýǵa mindetti emespiz. Ol jaǵynan kelgende eriktimiz», - dedi ol Ortalyq kommýnıkatsııalar qyzmetindegi baspasóz máslıhatynda BAQ ókilderiniń saýalyna oraı.

Sonymen qatar ol «Aýyl» partııasynyń belsendilerdi irikteý júıesi ózgeshe ekendigin basa aıtty.

«Qazir óńirlerdegi partııa músheleriniń arasynan belsendilik tanytyp júrgender eskeriletin bolady», - dedi Qýanysh Seıitjanov.