«Aýyl» partııasy óz qyzmetin aıtarlyqtaı ózgertti – Álı Bektaev
«Bizdiń partııa barlyq jarǵylyq mindetterdi júzege asyrýda belsendi jumys isteıdi, olardyń ishinde men kelesi máselelerge toqtalǵym keledi: saıası kóshbasshylardy kótermeleý jáne qoldaý, ártúrli organdardyń ókilderi arqyly áleýmettik jáne ekonomıkalyq máselelerdi sheshýge qatysý, zańnamalyq aktilerdi ázirleýge qatysý, saıası partııalar jáne qoǵamdyq birlestiktermen syndarly yntymaqtastyq ornatý. Jarǵylyq maqsattar men mindetterge qol jetkizý úshin partııa jaqynda ótetin Parlament Májilisi men máslıhattar depýtattyǵyna saılaýǵa kandıdattardy usynýǵa quqyly», - deıdi «Aýyl» halyqtyq-demokratııalyq patrıottyq partııasynyń tóraǵasy Álı Bektaev.
Ol qazirgi ýaqytta saıası partııalardyń múmkindigi kóp ekenin aıtty.
«Aýyl» partııasynyń tarıhy 20 jylǵa sozylady. Partııa qyzmetine qatysty ártúrli pikirler aıtylýda. Keı pikirler partııamyzdyń qyzmetin salǵyrt baqylaý nátıjesinde týǵan bolar. Sońǵy bes jylda «Aýyl» partııasy óz qyzmetin aıtarlyqtaı ózgertti. Ortalyq jáne aımaqtyq apparattardaǵy ujym quramy aıtarlyqtaı ózgerdi, júzdegen is-shara uıymdastyrylyp, partııaǵa jańa músheler qabyldandy», - deıdi ol.
Partııa tóraǵasynyń aıtýynsha, aldaǵy ýaqytta Májilis jáne máslıhat depýtattaryn saılaýdyń óz erekshelikteri bolady.
«Alǵash ret Parlamenttik oppozıtsııa ınstıtýty engiziledi. Birinshi ret partııa tizimine áıelder men jastarǵa 30% kvota bólinedi. Máslıhat depýtattary da birinshi ret partııalyq tizim boıynsha saılanady», - deıdi Álı Bektaev.
