«Aýyl» partııasy Ortalyq saılaý komıssııasyna partııalyq tizimdi usyndy
19 qarashada QR Ortalyq saılaý komıssııasyna «Qazaqstan Respýblıkasyndaǵy saılaý týraly» Konstıtýtsııalyq Zańynyń 87 jáne 89 babtaryna sáıkes, «Aýyl» halyqtyq-demokratııalyq patrıottyq partııasynyń Qazaqstan Respýblıkasy Parlamenti Májilisiniń depýtattaryn saılaýǵa kandıdattardy usyný týraly qujattary usynyldy:
1. Saıası partııanyń joǵarǵy organynyń partııalyq tizimdi usyný týraly hattamasynan úzindi kóshirme;
2. Saıası partııa ókiliniń ókilettikterin rastaıtyn qujat;
3. Elektrondyq jáne qaǵaz jetkizgishterdegi partııalyq tizim;
3. Azamattyń partııalyq tizimge engizýge kelisimi týraly ótinishi;
4. Partııalyq tizimge engizilgen árbir kandıdattyń ómirbaıandyq derekteri;
5. Partııalyq tizimge engizilgen árbir kandıdattyń jeke kýálikteriniń kóshirmeleri;
6. Ýákiletti adam qol qoıǵan jáne saıası partııanyń mórimen rastalǵan saıası partııaǵa músheligin rastaıtyn qujattar;
7. Saıası partııanyń Qazaqstan Respýblıkasy Ádilet mınıstrliginde tirkelgeni týraly qujattyń kóshirmesi;
8. Saıası partııanyń Qazaqstan Respýblıkasy Ortalyq saılaý komıssııasynyń shotyna saılaý jarnasyn engizgenin rastaıtyn qujat;
9. Kandıdat pen onyń zaıybynyń (jubaıynyń) kiristeri men múlki týraly deklaratsııalar tapsyrǵany týraly memlekettik kiris organynyń anyqtamasy;
«Ortalyq saılaý komıssııasy Partııalyq tizimderge engizilgen QR Parlamenti Májilisiniń depýtattyǵyna kandıdattardyń QR Konstıtýtsııasynda jáne «Qazaqstan Respýblıkasyndaǵy saılaý týraly» Konstıtýtsııalyq zańynda olarǵa qoıylatyn talaptarǵa sáıkestigin tıisti organdarǵa suraý salý negizinde anyqtaıdy», delingen habarlamada.
Parlament Májilisiniń depýtattaryn saılaý jónindegi kúntizbelik josparǵa sáıkes partııalyq tizimderdi usynýdy saıası partııalar 10-30 qarasha aralyǵynda (saǵat 18.00-ge deıin) júzege asyrady. Partııalyq tizimderdi tirkeý 10 qarashada bastalyp, 10 jeltoqsanda saǵat 18.00-de aıaqtalady.
