«Aýyl» partııasy men Qazaqstan áıelderiniń agrarlyq odaǵy yntymaqtastyq týraly memorandým jasasty
«Bizdiń azamattardy azyq-túlik baǵasynyń qubylmalylyǵy qatty alańdatady. Ásirese, aýyldaǵy genderlik jumyssyzdyq máselesi ótkir. Aýyl sharýashylyǵyndaǵy jaldamaly jumysshylardyń jalaqysy barlyq salalardyń eń tómengi deńgeıinde qalyp otyr», - degen partııa tóraǵasynyń birinshi orynbasary Tóleýtaı Rahymbekov «Aýyl» partııasynyń jartysyn áıelder quraıtynyn aıtyp ótti.
Onyń sózinshe «Aýyl» partııasy aýyl halqynyń ǵana máselesin kóteredi degen paıym qate.
«Bizdiń maqsatymyz partııanyń ataýynda tur - Halyqtyq-demokratııalyq patrıottyq partııa. Biz qazaqstandyq patrıotızmge negizdelgen demokratııalyq kózqarastarǵa jetý úshin kúresetin jalpyulttyq partııamyz. Búgin «Aýyl» partııasy men Qazaqstan áıelder agrarlyq odaǵy arasynda memorandýmǵa qol qoıylady. Bul memorandým eldi mekenderdi jandandyryp, saıası, turaqty, ekonomıkalyq turǵydan myqty jáne áleýmettik turǵyda ádiletti Qazaqstandy qurýǵa qyzmet etetinine senimdimin», - dep atap ótti Tóleýtaı Rahymbekov.
Óz kezeginde Qazaqstannyń aýyl áıelderi forýmyn uıymdastyrý komıtetiniń basshysy Maıra Aısına memorandýmǵa qol qoıý týraly kelisimge qol jetkizilgenin, óıtkeni qos taraptyń maqsattary men mindetteri bir-birimen sáıkes keletindigin atap ótti.
«Áıelderdiń agrarlyq odaǵy joq jerden paıda bolǵan joq. Oblystyq jáne respýblıkalyq forýmdardyń belsendi delegattarynyń qoldaýynyń arqasynda bizdiń barlyǵymyz aýyl áıelderiniń áleýetin biriktirý maqsatynda aýyldy damytý, aýyl sharýashylyǵy máselelerin kóterdik. Osylaısha Memorandýmǵa qol qoıý týraly kelisim jasaldy», - dedi Maıra Aısına.
Osylaısha, Qazaqstan aýyl áıelderiniń III forýmy kezinde «Aýyl» Halyqtyq Demokratııalyq Patrıottyq partııasy men «Qazaqstan áıelderiniń agrarlyq odaǵy» ZTB arasyndaǵy yntymaqtastyq týraly memorandýmǵa qol jetkizildi. Memorandýmǵa eki partııanyń ókilderi - Tóleýtaı Rahymbekov pen Lázzat Asqarova qol qoıdy.
