«Aýyl» partııasy et baǵytyndaǵy mal sharýashylyǵyn damytý máselesin talqylady

AQTÓBE. QazAqparat – «Aýyl» partııasy etti baǵyttaǵy mal sharýashylyǵyn damytý jaıyn talqylady. Partııa músheleri saryp aýrýyna qarsy vaktsınany tegin bolýy kerek dep esepteıdi, dep habarlaıdy QazAqparat tilshisi.

Aqtóbe oblysy Mártók aýdanyndaǵy «AgrofermaKokvest» JShS bazasynda «Aýyl» partııasynyń kóshpeli jıyny ótti.

Munda 900 bas iri qara, 800-deı usaq mal bar. Menshigindegi 32 myń gektar jerdiń 9 gektaryna egin salsa, qalǵany - shabyndyq pen jaıylym.

«Aýyldyqtar» tutynýshylardy sapaly etpen qamtamasyz etý jáne malǵa egiletin vaktsınanyń qoljetimdiligi týraly aıtty.

«Agrofermanyń qysqa daıyndyǵyn qarap, júıeli jumysty kórdik. Munda gereford tuqymdy sıyr bar. Mal basyn arttyrý úshin Reseıge baryp júrgenimiz jasyryn emes. Sońǵy 4 jylda shekara jabyq. Іri qara arasyndaǵy aýrýǵa baılanysty shekteý sol kúıi saqtalǵan. Osy másele sheshilýi tıis. Sondaı-aq veterınarııa salasynda birneshe másele bar. Saryp aýrýyna qatysty vaktsınatsııa tegin bolǵany jón. Biri ekpe alýǵa qabiletti, ekinshisiniń qarjysy jetpeı, aqsap tur», - deıdi «Aýyl» HDPP Aqtóbe oblystyq fılıaly tóraǵasy Orazbek Dalmaǵambetov.