«Aýyl» partııasy Ermuhamet Ertisbaevtyń sózine baılanysty málimdeme jasady

ASTANA. QazAqparat - QR Prezıdenttigine «Aýyl» partııasynan usynylǵan kandıdat Jıgýlı Daırabaev týraly aıtqan sózine baılanysty «Aýyl» halyqtyq-demokratııalyq patrıottyq partııasy málimdeme jasady. QazAqparat partııaǵa silteme jasaı otyryp málimdemeniń tolyq mátinin jarııalaıdy.

***

Halyq partııasynyń jetekshisi E.Ertisbaevtyń «Aýyl» partııasynyń kandıdaty J. M. Daırabaev tarapyna qarata aıtqan qısynsyz pikiri qazaqstandyq qoǵamdy qatty qynjyltyp, saıasatkerdi ádil aıyptaý týdyrdy. Bul adamnyń aıtqandary Prezıdent saılaýy qarsańyndaǵy ashyq jáne adal saıasat erejelerine sáıkes kelmeıdi jáne qorlaý sarynyndaǵy sóz avtoryn qurmetke bólemeıdi.

Bul «Aýyl» partııasynyń minsiz bedelge ıe úmitkeri arqyly óz atyn shyǵarýǵa tyrysqan popýlıstik áreketten basqa eshteńe emes.

Bógde jannyń esimin keleke etýge árekettený tárizdi azamattyq kemsitýshilikpen shektesetin jıirkenishti ersi qylyqtar – mádenıetsizdik pen ádepsizdik kórinisi.

Biz basqa partııa jetekshileriniń saıası ergejeıli sııaqty áreketine músirkeýshilikpen qaraımyz.

Mundaı tásilder qoǵamnyń adamı qaǵıdattar men adamgershilik atty memlekettik negizderge degen senimine nuqsan keltirip, mindetti túrde keri áser etedi.

Biz jalpyadamzattyq qundylyqtar men ultymyzdyń ıgi dástúrlerin qurmetteıtin jáne dáripteıtin qazaqstandyq qoǵamda mundaı qubylystarǵa oryn joq ekenine senimdimiz.

«Aýyl» partııasynyń barlyq múshesine jáne elimizdiń qarapaıym azamattaryna qoldaý kórsetkeni úshin Alǵys aıtamyz.

Biz adal jáne ádil saılaýdy qoldaımyz!