«Aýyl» partııasy «Birlik» partııasynyń qosylý týraly usynysynan bas tartty
«Birlik» saıası partııasynan «Aýyl» halyqtyq-demokratııalyq patrıottyq partııasyna qosylý týraly usynys kelip tústi. «Birlik» partııasy bul sheshimdi ózderiniń 2020 jylǵy 14 naýryzynda ótken kezekten tys sezinde jasaǵan. Qandaı da bir saıası partııanyń qaıtadan qurylymdaýy bir kúnde sheshile salatyn jumys emes. Másele eki partııanyń qosylýynda ǵana emes, biz eń aldymen bir protsestiń saıası mańyzyna jáne qajettiligine jete mánberýimiz kerek», - dedi sezd jumysyn ashqan «Aýyl» halyqtyq-demokratııalyq patrıottyq partııasynyń tóraǵasy Álı Bektaev.
Onyń atap ótýinshe, eń aldymen «Birlik» partııasynyń qosylýy «Aýyl» partııasyn ne beredi, dál qazir mundaı qajettilik bar ma degen saýaldarǵa jaýap berý qajet.
«Aýyl» halyqtyq-demokratııalyq patrıottyq partııasy saıası alańdaǵy tanymal partııalardyń biri. «Aýyl» partııasynyń ózindik tarıhy, dástúri, naqty ıdeologııalyq baǵyty jáne baǵdarlamalyq maqsattary bar. Osynyń bárin eskere kele keńes prezıdýmy «Birlik» partııasynyń «Aýyl» partııasynna qosylýy týraly máseleni zerttep, zerdeleý maqsatynda arnaıy jumys tobyn qurǵan bolatyn. Sońǵy 2-3 aıdyń kóleminde sol jumys boıy qyzmet etti», - ol.
Osydan keıin atalǵan jumys tobynyń jetekshisi Qýanysh Seıitjanov eki partııanyń qosylýyna qatysty saraptamalyq qorytyndyny sezd delegattarynyń nazaryna usyndy.
«Birinshi - «Aýyl» partııasy óziniń ıdeologııalyq baǵytymen, baǵdarlamalyq maqsatymen el turǵyndaryna keńinen tanymal qoǵamdyq-saıası qurylym. Sol sebepti dál qazirgi tańda qandaı da bir saıası kúshpen birigý elektorat tarapynan túsinispeýshilik týǵyzyp, olardy jańyldyrýy múmkin. Ekinshi, usynys jasap otyrǵan «Birlik» partııasynyń saıası belsendiligi tómen. Úshinshi, partııa keıingi úsh jyldyń ishinde eldegi bolyp jatqan qoǵamdyq-saıası oqıǵalarǵa aralasýda qandaıda bir belsendilik tanytpaǵan», - dedi ol.
Onyń aıtýynsha, tórtinshi «Birlik» partııasynyń kadrlyq áleýeti de tómen. Partııanyń ortalyq apparatynda negizgi jumysynan bosatylǵan birde-bir qyzmetker joq. Bul óz kezeginde partııanyń qarjylyq jaǵdaıynyń da tómen ekendigin kórsetedi. Besinshi, partııanyń fılıaldary men qurylymdyq bólimderiniń jumysynda júıelilik pen birizdilik joq. Altynshy, aqparat keńistiginde «Birlik»partııasynyń jumysyn kórsetetindeı maǵlumattar óte az kezdesedi. Internet jelisinde partııanyń tynys-tirshiligin tanytatyn aqparat tym tapshy. Resmı saıty da joq. Segizinshi, áleýmettik jelilerde «Birlik» partııasynyń jeke profıl akkaýnty ǵana tirkelgen. Ondaǵy aqparattardyń jaǵartylýy jıiligi de tómen.
«Toǵyzynshy, atalǵan partııa 2019 jylǵy QR Prezıdenti saılaýyna kandıdat usynǵan joq. Bul óz kezeginde partııanyń elektorat tarapynan qoldaýy az ekendiginiń kórsetkishi. Onynshy, «Birlik» partııasynyń jarǵysy men baǵdarlamasyna jyldar boıy ózgerister engizilmegendikten ondaǵy kóptegen máseler zamanaýı jaǵdaıatta óziniń ózektiligin joıǵan. On birinshi, «Birlik» partııasyna qosylý «Aýyl» partııasyna eshqandaı da saıası dıvıdent ákelmeıdi, abyroı, bedel de ápermeıdi. Sonymen qatar partııalardyń birigýi protsesi, partııa fılıaldaryn qaıta tirkeý sııaqty jumystar kóp ýaqyt alady. Aldymyzda elektoraldy kezeń kele jatqanyn eskersek, mundaı protsester «Aýyl» partııasynyń negizgi jumystaryna kedergi bolady», - dedi Qýanysh Seıitjanov.
Eki partııanyń qosyýyna qatysty usynysty talqylaý barysynda jaqtaǵandar da, qarsylyq tanytqandar da boldy. Osydan keıin daýys berý rásimi ótkizilip, onyń barysynda sezge qatysqan delegattardyń 72-si eki partııanyń qosylýyna qarsy bolsa, 8-i jaqtady. Bir delegat qalys qaldy.
«Biz «Birlik» partııasyndaǵy áriptesterimizge nıet bildirgenderi úshin rızashylyq bildiremiz. Endi ómir jalǵasady, alda saıası dodalar bar. «Birlik» partııasyna saıası belsendilik pen sergektik tilegimiz keledi. Jumystaryna tabys tilep, búgingi sezd delegattarynyń syn-eskertpelerinen qorytyndy shyǵaryp, jumystaryn jandandyrady dep senemiz», - dedi «Aýyl» partııasynyń tóraǵasy Álı Bektaev.
