Aýyl oqýshylary «tolyq kún» jumys isteıtin formatqa kóshiriledi

NUR-SULTAN. QazAqparat – Aýyl mektepteriniń oqýshylary úshin «tolyq kún» jumys isteıtin formatqa kóshý josparlanǵan. Bul týral búgin Úkimet otyrysynda QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.

«Aýyl mektepteriniń kóbisi bir aýysymda oqıtyn bolǵannyń arqasynda, oqýshylary úshin «tolyq kún» jumys isteıtin formatqa kóshý josparlandy. Aýyl balalarynyń damýyndaǵy erekshelikterin erte anyqtaýǵa jáne olardy ýaqytyly qoldaýǵa nazar aýdarylady», - dedi ol.

Mınıstrdiń dereginshe, búgingi tańda aýylda erekshe qajettilikteri bar 58 myń bala arnaıy kómekti qajet etedi.

«Ol úshin aýylda psıhologııalyq-medıtsınalyq-pedagogıkalyq kabınetter men túzetý kabınetteriniń sany keńeıtiledi, qosymsha ortalyqtardy ashamyz», - dedi Ashat Aımaǵambetov.