Aýyl men qalanyń ómir súrý deńgeıin teńestirý kerek - senator A.Bıjanov
ASTANA. 25 qazan. QazAqparat - Aýyl men qala turǵyndarynyń ómir súrý deńgeıin teńestirý kerek. Búgin Qazaqstandaǵy úzdik áleýmettik jobalarǵa arnalǵan respýblıkalyq konferentsııada QR Parlament Senaty mádenı-áleýmettik damý komıtetiniń tóraǵasy, depýtat Aqan Bıjanov osylaı aıtty.
«Bizdińshe, ómir súrý sapasy standarttarynyń jalpy qazaqstandyq júıesin aımaqtar, qalalar men aýyldardyń deńgeıin teńestire alatyn arnaıy retteýshi tetiktermen tolyqtyrý qajet», - dep atap kórsetti A.Bıjanov.
Aıta keteıik, búginde ómir súrý sapasynyń jańa standarttaryna arnalǵan eki zań jobasy ázirlendi. Atalǵan qujattarǵa sáıkes, jańa standarttar Qazaqstan halqyn jumyspen, taza aýyz sýmen, baspanamen, densaýlyq saqtaý men bilimmen qamtý sııaqty negizgi kórsetkishterdi aıqyndaıtyn bolady. Onyń barlyǵy zań júzinde bekitilse, memlekettik organdar sol boıynsha jumys isteýge mindetteledi.
