Aýyl mektepterine 2 mln teńgeden syıǵa tartyldy
Birinshi 2 mıllıon teńgeniń qarjylaı sertıfıkatyn Qyzylorda oblysynyń Qazaly aýdanynda ornalasqan Erjigit Bozǵulov atyndaǵy №249 mektep-lıtseıine tabys etildi. Bul mektep aýyl oqýshylaryna arnalǵan «Myń bala» Ulttyq zııatkerlik olımpıadasynda úzdik nátıjeler kórsetti. Jobaǵa qatysqan 4 myńnan astam mekteptiń ishinde oqý orny úzdikter qatarynda boldy. Olımpıadanyń qorytyndysy boıynsha mektepte 66 fınalıst jáne 21 jeńimpaz anyqtaldy.
«Myń bala» olımpıadasy osymen ekinshi jyl ótkizilip otyr. Osy ýaqyt ishinde jobaǵa 450 myńnan astam aýyl oqýshysy qatysyp úlgerdi. Olımpıadanyń nátıjeleri boıynsha 2000 oqýshy, aýyl mektepteriniń 5-6 synyptarynyń jeńimpazdary Respýblıkalyq fızıka-matematıka mektebi, «Bilim-Innovatsııa» lıtseıleri, «Daryn» mamandandyrylǵan mektepteri sııaqty elimizdiń jetekshi mektepterinde oqýǵa, sondaı-aq Elbasy akademııasynyń «Birge oqý» onlaın mektebinde pándik daıyndyqtan ótýge múmkindik aldy.
Ekinshi aqshalaı sertıfıkatty Soltústik Qazaqstan oblysy Aqqaıyń aýdanynyń №1 Smırnov orta mektebi aldy. «Elbasy medali» jobasyn iske asyrý sheńberinde neǵurlym belsendi aýyl mektepterine taldaý júrgizilip, olardyń ishinde №1 Smırnov orta mektebinde Elbasy medaldarynyń eń kóp ıegerleri anyqtaldy. Atalǵan mekteptiń 12 oqýshysy baǵdarlamany 7 baǵyt boıynsha aıaqtap, qola medalǵa ıe boldy.
Soltústik Qazaqstan oblysy boıynsha barlyǵy 292 qatysýshy qola medal jeńip aldy. Qazirgi ýaqytta óńir boıynsha «Elbasy medali» jobasynyń baǵdarlamasyna 404 jas qatysty.
Jalpy, eki jyl ishinde «Elbasy medali» jobasy búkil el boıynsha 7 baǵytta damyp kele jatqan 20 myńnan astam qatysýshyny qamtydy. Olar: sport, talanttar men daǵdylar, kitap oqý, ulttyq mura, volonterlik, ekspedıtsııalar men joryqtar, eńbek tájirıbesi. Bıyl «Elbasy medaliniń» 605 ıegeri granttar alyp, elimizdiń jetekshi joǵary oqý oryndaryna tústi. Olardyń 30% - dan astamy-aýyl mektepteriniń túlekteri (UBT upaılary teń bolǵan jaǵdaıda, jobaǵa qatysýshylarǵa bilim granttaryn alýǵa basymdyq beriledi).
Óz kezeginde, «El Úmiti» bastamasynyń jobalaryn uıymdastyrýshylar Nursultan Nazarbaev Qory men «Elbasy Akademııasy» KQ elimizdiń barlyq ustazdaryn kásibı merekemen quttyqtap, bolashaq urpaqty tárbıeleý jolynda tabys tileıdi.
