Aýyl mektepteri men qala mektepteriniń arasyndaǵy bilim sapasyn salystyrýǵa esh kelmeıdi - Q. Aıtahanov
ASTANA. 13 jeltoqsan. QazAqparat - Aýyl mektepteri men qala mektepteriniń arasyndaǵy bilim sapasyn salystyrýǵa esh kelmeıdi. Búgin QR Parlamenti Senatynyń jalpy otyrysynda «Memlekettik bilim berý jınaqtaý júıesi týraly» zańyn talqylaý barysynda senator Qýanysh Aıtahanov osylaı málim etti.
«Búgingi tańda materıaldyq-tehnıkalyq bazasy jaqsy damyǵan qala mektepteri men qarapaıym ınternetke de qosyla almaı otyrǵan aýyl mektepterindegi bilim berý sapasyn salystyrýǵa esh kelmeıdi. Nátıjesinde aýyl túlekteri joǵary oqý oryndaryna túsý kezinde memlekettik grantty jeńip alýda básekege qabiletsiz bolyp, aqyly oqý ornyna túsýge májbúr bolýda. Al turaqty jumysy joq, aldyndaǵy malymen ǵana kúnin kórip otyrǵan qarapaıym aýyl qazaǵynyń balasyn aqyly oqytýǵa qor jınaýǵa qaltasy kótere bermeıdi», - deıdi senator.
Onyń aıtýynsha, bul mekteptik orta bilimdi ǵana qanaǵat etken bilimsiz jastardyń kóbeıýine alyp kelýi múmkin. ıAǵnı, senatordyń sózine qaraǵanda, eger osylaısha aýylda bilimsiz jastar kóbeıe berse, halqymyzdyń sapalyq kórsetkishi de tómendeı berýi múmkin. Bul - el keleshegi úshin qaýipti.
