Aýyl mektebin jan basyna qaraı qarjylandyrýǵa kóshirý kerek - Májilis depýtaty

NUR-SULTAN. QazAqparat – Aýyl mektebin jan basyna shaqqandaǵy qarjylandyrýǵa shuǵyl kóshirý kerek. Bul týraly Májilis depýtaty Juldyz Súleımenova aıtty, dep habarlaıdy QazAqparat tilshisi.

«Bilimniń teńsizdigi áleýmettik teńsizdikti týdyrmaýy kerek. Aýyl men qala mektepteri arasyndaǵy bilim sapasyndaǵy alshaqtyqty qysqartýǵa qatysty Oqý-aǵartý mınıstrligi júıeli jumystardy, keshendi jobalardy qolǵa aldy. Biraq, buǵan qosa aýyl mektepteriniń keshendi damýyn qolǵa alý qajettigin atap ótkim keledi», - dedi Májilis depýtaty respýblıkalyq tamyz konferentsııasy barysynda.

Onyń atap ótýinshe, múmkindik bolsa bıylǵy jańa oqý jylynan bastap aýyl mektepterinde jan basyna shaqqandaǵy qarjylandyrýdy engizý kerek.

«Óıtkeni, kóptegen aýyl mektebindegi jan basyna shaqqandaǵy qarjylandyrýdyń bolmaýy sebebinen materıaldyq-tehnıkalyq jabdyqtalýy syndy kóptegen másele sheshilmeı jatyr. Sondyqtan, aýyl túlekteriniń eńbek naryǵyna saı bolyp damýy úshin aýyl mektepterin damytý qajet», - dedi Juldyz Súleımenova.