«Aýyl» Májilis saılaýyna túsetin kandıdattarynyń qujattaryn OSK-ǵa tapsyrdy

ASTANA. QazAqparat – «Aýyl» partııasy Parlament Májilisi saılaýyna bir mandatty okrýgter boıynsha túsetin kandıdattarynyń qujattaryn Ortalyq saılaý komıssııasyna tapsyrdy. Bul týraly QazAqparat «Aýyl» HDPP baspasóz qyzmetine silteme jasap habarlaıdy.

Partııanyń kezekten tys HHІІ sezinde Májilis saılaýyna bir mandatty okrýgter boıynsha túsetin 9 úmitker usynyldy. Bári naqty sektordan, negizinen aýyl sharýashylyǵy óndirisinen shyqqan.

Buǵan deıin habarlanǵanyndaı, Ortalyq saılaý komıssııasyna 4 saıası partııa qujattaryn usyndy. Sondaı-aq, búgin Respublica jáne Amanat partııalary 19 naýryzda ótetin kezekten tys Májilis jáne máslıhattar depýtattary saılaýyna qatysty qujattardy Ortalyq saılaý komıssııasyna ótkizdi.

Foto: auyl.kz