Aýyl mańyndaǵy jerler qoǵamdyq jaıylymǵa aınalýǵa tıis – zańger

NUR-SULTAN. QazAqparat – QR Aýyl sharýashylyǵy mınıstrligi jer reformasy komıssııasynyń otyrysynda zańger Baqytjan Bazarbek birqatar usynys aıtty, dep habarlaıdy QazAqparat tilshisi.

«Aýyl sharýashylyǵyndaǵy jaıylymdyq jerlerdińń arnaıy radıýsyn belgileý kerek. Ókinishke qaraı, Jer kodeksinde de, zańǵa táýeldi aktilerde de radıýs týraly jazylmaǵan. Nátıjesinde aýyldyń mańyndaǵy barlyq jer sharýa qojalyqtaryna berilip tastalǵan. Sondyqtan jer komıssııasynyń jumysy aıasynda Jer kodeksiniń 109, 110-babyna tıisti ózgerister engizip, naqty radıýsty belgileýimiz kerek. Sol radıýs aıasyndaǵy jerler qoǵamdyq jaıylym jerine aınalýy tıis», - deıdi «Bazarbek&Partners» zań kompanııasynyń bas dırektory Bazarbek Jumabekuly.

Ol radıýs jergilikti atqarý organynyń tıisti mindetine aınalýy kerek

Onyń aıtýynsha, atalǵan radıýstaǵy jaıylym jerlerin jergilikti atqarý organy óz baqylaýyna alýy tıis.

«Eger halyqqa tıisti jaıylym jeri jetpeı tursa, 1-2 shaqyrym radıýs kólemindegi aýyl sharýashylyǵy jerlerin memleket óz qajettiligi úshin alyp, ony qoǵamdyq jaıylymǵa aınaldyrýy kerek», - deıdi ol.