Aýyl əkimin eseptik kezdesýde ǵana kóremiz – qarııa Jambyl oblysynyń ákimine shaǵymdandy
TARAZ. QazAqparat – Jambyl oblysynyń əkimi Berdibek Saparbaev Baızaq aýdanyna jumys sapary barysynda birqatar áleýmettik nysandardy aralap, qurylys jumystarynyń barysymen tanysyp, jergilikti turǵyndardy áńgimege tartty, dep habarlaıdy QazAqparat tilshisi.
Óńir basshysy aldymen aýdandaǵy Taraz-Sarykemer-Túımekent oblystyq məndegi avtomobıl jolynyń Qostóbe ýchaskesinde atqarylyp jatqan jumys barysymen tanysty.
Budan keıin aımaq basshysy Sarykemer aýylyndaǵy Kenen Əzirbaev atyndaǵy balalar saz mektebiniń kúrdeli jóndeý jumysyn kórdi. Qurylys jumystaryn «Jolaýshy-SKSh» JShS júrgizip jatyr.
Seriktestik dırektory Ámirbek Tólebaevtyń aıtýynsha, mektepke «Aýyl - el besigi» jobasy aıasynda 98 mıllıon teńge bólingen. Qurylys alańynda 15 adam jumys isteýde. Ǵımarat shatyrynan bastap tolyǵymen jańartylmaq.
Oblys ákimi mektep irgetasynyń tómendigine nazar aýdardy.
«Bul ǵımaratty buzyp qaıta soǵý kerek edi. Qansha degenmen jańanyń aty jańa. Al sender paıdalanýǵa berilgenine 52 jyl bolǵan ǵımaratty qaıta kúrdeli jóndeýden ótkizip jatyrsyzdar. 98 mıllıon teńgeni jóndeýge jumsaǵansha, oǵan 20-30 mıllıon teńge qosyp, jańasyn salǵan durys emes pe? Endi muny qansha jyl paıdalanady? Sony oılaý kerek edi. Qabyrǵasyn bıiktetip jatyrsyńdar, ony irgetasy kótere ala ma?»- dedi B.Saparbaev.
Seriktestik dırektory bul ǵımarattyń áli keminde 25 jyl qyzmet etýge jaraıtynyn aıtyp sendirdi. Seriktestik nysandy jeltoqsan aıynda paıdalanýǵa berýdi josparlap otyr.
Sondaı-aq, «Aýyl – el besigi» baǵdarlamasymen Qosaq aýylyndaǵy Qosaq negizgi mektebi de kúrdeli jóndeýden ótkizilgen. Berdibek Saparbaev mekteptiń synyp bólmelerin aralap, ondaǵy oqyp jatqan oqýshylardy áńgimege tartty.
Mektep aýlasynan shyǵa bergende óńir basshysy mektep tusynan ótip bara jatqan aýyl qarııasy Beken Sapaqovty toqtatyp, aýyl tirshiligi týraly áńgimelesti. Aýyl qarııasy da kezdesýdi paıdalanyp, aýyldyń jaı-kúıi týraly qysqasha baıandady. Aqsaqal aýylǵa sportzal, mal bazary kerektigin tilge tıek etti.
«Biz ýchaskelik polıtsııa ınspektoryn kórmeımiz. Al aýyl əkimin eseptik kezdesýlerde ǵana kóremiz. Ony basqa ýaqytta ustaý múmkin emes»,- dep shaǵymdandy B.Sapaqov.
«Ákimder tek esep berip qana qoımaı, halyqpen jıi kezdesip turýy tıis. Ýchaskelik polıtsııa ınspektoryn tərtipke keltiremiz. Mal bazaryn áli ashýǵa bolmaıdy. Onda halyq karantın sharalaryn saqtaı bermeıdi», - dep jaýap berdi Berdibek Saparbaev.
Sonymen qatar, aımaq basshysy Kamal Chaýshov sharýa qojalyǵynyń 25 gektar alqapqa egilgen qant qyzylshasyn kórdi. Qojalyq tóraǵasy bir gektardan 650-700 tsentnerden ónim jınap jatqanyn aıtty.
Aldaǵy jyly da munda tátti túbir otyrǵyzbaq. Sharýa aımaq basshysynan qant zaýyty byltyrǵydaı aqshany keshiktirmeýge kómektesýin surady.
Al Býryl aýylyndaǵy «ıAnshar» sharýa qojalyǵynyń jetekshisi ıAshar Beshlıogly qant baǵasynyń óskenin tilge tıek etip, qyzylshany qabyldaý qabyldaý qunyn da kóterse degen tilegin bildirdi.
Berdibek Saparbaev qant zaýyty bıyl aqshany halyqqa ýaqtyly taratatynyna sendirip, tátti túbir baǵasyn kóterý máselesin qarastyrýǵa ýáde berdi.
Budan keıin óńir basshysy Myrzataı aýylyndaǵy Belqoja kanalynyń, Býryl aýylyndaǵy Býryl orta mektebiniń, «Taraz-Jetibaı-Tegistik-Oıyq» oblystyq məndegi avtomobıl joldarynyń aǵymdaǵy jóndeý jumystarynyń barysymen tanysty.
