Aýyl ishine malyn bos jibergenderge aıyppul salyndy - Pavlodar
Pavlodar aýdany ákiminiń vırtýaldy qabyldaýyna Zarıa aýyldyq okrýgi Birlik aýylynyń turǵyndary qańǵybas maldar men jylqylar jóninde shaǵymdanǵan. - Birlik aýylynyń ata-analary atynan sizge ótinishimiz bar. Aýylymyzda qańǵybas maldar men jylqylar kóbeıip ketti. Kúndikke 20-25 bas jylqy qańǵyp júredi. Kerek deseńiz túsirilgen sýretter jeterlik. Balalardy dalaǵa jiberýge qorqamyz. Aýylymyz mal qaldyǵymen lastanyp barady, - delingen hatta.
Turǵyndardyń saýalyna tıisti tulǵalardyń jaýapqa tartylǵandyǵy týraly jaýap berilgen. - Sizderdiń aýdan ákiminiń saıtyna joldaǵan ótinishterińizge sáıkes, Zarıa aýyldyq okrýgi ákiminiń apparaty okrýgtiń úsh turǵynyna ÁQBtK 505 baby (abattandyrý erejelerin buzýshylyqtary) qańǵybas maldyń jasyl jelekterdi joıý jáne búldirý faktisi boıynsha ákimshilik jaýapkershilikke tartyp, jalpy somasy 75750 teńgege aıyppul saldy, - delingen jaýapta. Aýdan ákimdiginiń málimdeýinshe, okrýg ákimdigi ýchaskelik polıtsııa ınspektorymen birlesip, qańǵybas malǵa jaýapkershilik sharalaryn túsindirý boıynsha turǵyndarmen turaqty túrde jumys júrgizedi.
