Aýyl ınfraqurylymyn damytýǵa bólingen qarjy múldem ıgerilmeýde - Muhtar Qul-Muhammed
Búgin Eńbek jáne halyqty áleýmettik qorǵaý mınıstrliginiń alqa májilisine qatysqan QR Memlekettik hatshysy Muhtar Qul-Muhammed osylaı dedi.
«Aýyl ınfraqurylymyn damytý boıynsha qarjylandyrý kólemi Shyǵys Qazaqstan oblysynda 968 mln. teńge, Qaraǵandy oblysynda 946 mln. teńge, Qostanaı oblysynda 699 mln. teńge, Pavlodar oblysynda 574 mln. teńge deńgeıinde josparlaǵan. Al tamyzdaǵy ıgerý nól. Bul osy óńirlerdegi sizderdiń jumys kórsetkishterińizdiń barynsha nashar ekendigin kórsetedi», - dedi ol.
Osy oraıda Eńbek jáne halyqty áleýmettik qorǵaý mınıstri Gúlshara Ábdiqalyqovaǵa osy máseleniń túıinin tarqatý qajettigin eskertken M.Qul-Muhammed: «Bizdiń mindetimiz tek qana osy tsıfrlardy belgileý, tek qana jyl sońynda ony ıgerý emes. Aýyl ınfraqurylymyn damytýǵa kómektesý úshin sizder jyl basynda-aq konkýrs ótkizýlerińiz kerek edi»,- dedi.