Aýyl halqynyń sany 12 paıyzǵa ósken - Ulttyq halyq sanaǵy
ASTANA. Aqpannyń 4-i. QazAqparat /Jasulan Amanbaıuly/ - Ulttyq halyq sanaǵynyń derekteri boıynsha, keıingi on jyl ishinde aýyldaǵy halyq sany 12 paıyzǵa ósken.
Búgin bul týraly QR Statıstıka agenttiginde ulttyq halyq sanaǵynyń qorytyndylaryna arnalǵan brıfıng barysynda Agenttik tóraǵasy Álıhan Smaılov málimdedi, dep habarlaıdy QazAqparat.
Halyq sanaǵy kórsetkenindeı, qala halqynyń sany - 8,6 (8639,1 myń) mln. adam bolyp otyr. Al aýyl halqy - 7,3 mln. (7365,7 myń) quraǵan.
1999 jylǵy sanaq nátıjelerimen salystyrǵanda, on jyl ishinde qaladaǵy halyq 195,1 myńǵa artyp, 2,3 paıyzdyq ósim jasaǵan. Aýyl adamdary 827,8 myńǵa tolyǵyp, ondaǵy halyq sany 12,7 paıyzǵa kóbeıgen.
«Eldegi qala halqynyń úlesi 54 paıyz, aýyl halqy 46 paıyzdy qurady», dedi Á. Smaılov.
Eske sala keteıik, 1999 jylǵy derekterde qala turǵyndarynyń úles salmaǵy 56,4 paıyzdy qurasa, aýyldaǵy halyq 43,6 paıyz boldy.
