Aýyl halqyna medıtsınalyq qyzmet kórsetetin poıyzdardyń jumysy jandandy

NUR-SULTAN. QazAqparat – Aýyl halqyna qyzmet kórsetetin medıtsınalyq poıyzdardyń jumysy jandandy. Bul týraly búgin Úkimet otyrysynda densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«Shalǵaıdaǵy aýyldardyń 1 mln astam turǵyny úshin 149 jyljymaly medıtsınalyq keshen konsýltatsııalyq-dıagnostıkalyq qyzmetter, skrınıng, dári-dármekter usyna otyryp, medıtsınalyq kómek kórsetti. Bıyl 10 óńirde 38 myń turǵynǵa medıtsınalyq kómek kórsetken 2 «Járdem» jáne «Salamatty Qazaqstan» medıtsınalyq poıyzdarynyń jumysy qaıta jandandy», - dedi Ajar Ǵınııat «Deni saý ult» ulttyq jobasynyń birinshi jartyjyldyqtaǵy nátıjeleri jaıynda baıandaı kele.

Onyń dereginshe, aýyldyq eldi mekenderde 6 feldsherlik-akýsherlik, medıtsınalyq pýnkt pen dárigerlik ambýlatorııalardyń qurylysy aıaqtaldy. 17 nysan salynyp jatyr. Ǵımarattardy jaldaý arqyly 8 nysan ashý josparlanǵan.

«Sonymen qatar, aýdandyq aýrýhanalardy zamanaýı kompıýterlik tomograftarmen, rentgen apparattarymen jabdyqtaý 84 paıyzǵa deıin jetkizildi. Josparda 74 paıyzǵa jetkizý turǵan edi», - dedi mınıstr.

Foto: gov.kz