Aýyl halqy sport zaldaryna tegin bara alady -Mádenıet jáne sport mınıstrligi
Oǵan kelisim bergen ákimdikter de joq emes, dep habarlaıdy QazAqparat tilshisi
«Ashyǵyn aıtý kerek, búginde aýyldyq jerde mekteptiń sport zalynan basqa sportpen aınalysatyn nysan joq. Sondyqtan ondaı zaldar bárine qoljetimdi bolýy qajet. Bizde bolsa, sol zaldy qaıta-qaıta jóndemeı, taza kúıinde ustaımyz dep, sabaq bitken boıda qulyp salyp qoıady. Al aýyl halqy, ishinde sportpen aınalysamyn deýshiler bolsa da, oǵan kire almaıdy. Osyǵan baılanysty biz Bilim jáne ǵylym mınıstrligi men Úkimet arqyly tıisti keńesterge qol jetkizdik. Soǵan sáıkes, elimizdegi barlyq sport nysandary, ásirese, joǵary oqý oryndary, kolledjder men mektepter janyndaǵy sport zaldar jumystan tys ýaqytta jergiliktihalyq úshin ashyq bolýy tıis. Máselen, senbi-jeksenbi kúnderi ol jerde san alýan sektsııalardy uıymdastyrýǵa bolady. Osyny aıaǵyna deıin iske asyra alsaq, jaqsy bolar edi» - deıdi E.Qanaǵatov.
QazAqparat tilshisine suhbat bergen Komıtet basshysy búginde atalǵan bastamaǵa qoldaý bildirgen oblystardyń bar ekenin jetkizdi. «Qazir Qyzylorda oblysynda jáne taǵy birneshe óńirde ákimdermen sondaı sheshim qabyldandy. Negizgi maqsat - ınstıtýttar, kolledjder men mektepter janyndaǵy sport zaldardy sabaqtan tys ýaqytta jergilikti halyqqa usyný», - deıdi Komıtet basshysy.
