«Aýyl el besigi» jobasy aıasynda 800 joba júzege asyrylady

NUR-SULTAN. QazAqparat – Úkimet basshysy Asqar Mamın bıyl Qazaqstandaǵy 190 aýylda jańa standarttarǵa saı kóliktik, ınjenerlik jobalar júzege asyrylatynyn atap ótti, dep habarlaıdy QazAqparat tilshisi.

«Aýyl halqynyń ómir sapasyn jaqsartý úshin «Aýyl – el besigi» jobasy aıasynda 800 joba júzege asyrylady. Atap aıtqanda, bul turǵyda kóliktik, ınjenerlik, áleýmettik saladaǵy jobalar qolǵa alynady», - dedi Asqar Mamın Úkimettiń keńeıtilgen otyrysynda.

Onyń aıtýynsha, aldaǵy 7 jylda 3,5 myń aýyldaǵy ınfraqurylymdy damytýǵa 900 mlrd teńge jumsalady.