«Aýyl el besigi»: Túrkistan oblysynda joldar jóndele bastady
TÚRKІSTAN. QazAqparat – Túrkistan oblysynda «Aýyl el besigi» jobasy aıasynda eldi mekenderdegi joldar jóndele bastady. Aýyl halqynyń turmysyn kóterý úshin qolǵa alynǵan joba búginde Báıdibek aýdanynda júzege asyrylýda, dep habarlaıdy QazAqparat tilshisi.
Atap aıtqanda aınalma jol men B.Qarashauly, M.Áýezov, S.Áljanov, E.Shókeev, Shákárim, Táýelsizdik, Q.Sátbaev, Á.Jylqyshıev kóshlerindegi aıaq joldar salynyp, turǵyndardyń júrip turýyna jaǵdaı jasalýda. Sonymen qatar atalǵan kóshe boılaryn elektrmen jaryqtandyrý jumystary da qarqyndy júrgizilip, kóshe shamdary ornatylýda. Bul nysandarǵa jyl sońyna deıin tolyq jóndeý jumystary aıaqtalyp, el ıgiligine paıdalanýǵa beriletin bolady.
Al, Túlkibas aýdanyna qarasty RZD-115 aýylynyń turǵyndary aýdan jáne okrýg ortalyǵyna jańa jol arqyly qatynaıtyn bolady. Jabaǵyly aýyldyq okrýgindegi osynaý eldi mekeni baǵytyndaǵy joldyń kúrdeli jóndeý jumystary aǵymdaǵy jyldyń tamyz aıynda bastaý alyp, búgingi tańda 80 paıyzǵa aıaqtalyp otyr.
Jalpy uzyndyǵy 5,7 shaqyrymdy quraıtyn joldyń aýyl shetiniń 3,1 shaqyrymyna aıaq jol túsip, kúl-qoqys tastaıtyń jáshikter ornatylmaq. Jol nysanynyń kúrdeli jóndeý jumystary aǵymdaǵy jyldyń qarasha aıynyń sońynda aıaqtaý josparlanyp otyr.
