«Aýyl - el besigi»: ShQO-nyń eki aýdanynda jabyq basseınder salynýda
Bul jaıly aımaq basshysy Danıal Ahmetov Instagram-paraqshasynda jazdy.
«Aýyl - el besigi» baǵdarlamasy boıynsha jalpy somasy 3 924,3 mln teńgege 7 joba júzege asyrylýda. Sonyń ishinde qurylysy osy jyldyń qarasha aıynda aıaqtalatyn Úrjar aýdanyndaǵy júzý basseıni men sport modýli bar. Kelesi aptada osy nysandarda júrgizilip jatqan jumystardyń barysy men sapasyn baryp tekserip qaıtýdy josparlap otyrmyn. Sonymen qatar Kúrshim aýdanynda da 40 adamǵa arnalǵan taǵy bir jabyq basseın salynýda», - deıdi ol.⠀
Oblys ákiminiń aıtýynsha, Glýbokoe aýdanynda boı kóterip jatqan alǵashqy Mádenıet úıi 1 jeltoqsan - Tuńǵysh Prezıdent kúnine oraı ashylady.
«Jyl sońyna qaraı Óskemenniń medıtsınalyq kolledji, sondaı-aq Semeıdiń bıznes jáne servıs kolledjiniń jalpy 700 oryndyq jataqhanalarynyń qurylysy aıaqtalady», - deıdi Danıal Ahmetov.