Aýyl – el besigi: Qaraǵandy oblysynyń 38 eldi mekeninde joldar jóndeldi

QARAǴANDY. QazAqparat - Qaraǵandy oblysy boıynsha «Aýyl – el besigi» jobasy boıynsha sońǵy úsh jylda 38 aýyldyq eldi mekende joldar jóndeldi. Óńirde bir jarym myń shaqyrym avtojol jóndeldi, dep habarlaıdy QazAqparat.

– Respýblıkalyq mańyzy bar 674 shaqyrym trassany jáne jergilikti jeliniń 800 shaqyrymnan astam avtojolyn rekonstrýktsııalaý jalǵasýda. Jalpy uzyndyǵy 513 km bolatyn Qaraǵandy – Balqash jáne Balqash – Býrylbaıtal jańa jolymen júrý qamtamasyz etildi, – dep habarlady oblys ákimi Jeńis Qasymbek OKQ baspasóz máslıhatynda. – Indýstrııa jáne ınfraqurylymdyq damý mınıstrliginiń málimetinshe, kelesi jylǵa tolyq aıaqtaý josparlanǵan.

Kelesi jyly Jezqazǵan-Qyzylorda avtojolynda Qaraǵandy oblysynyń ýchaskesinde jol – qurylys jumystary bastalýy tıis. Sapaly jol Jezqazǵan men Sátpaevtyń saýda-kólik baılanysyn kúsheıtýge, sondaı-aq júk tranzıtin arttyrýǵa múmkindik beredi.