«Aýyl – el besigi» baǵdarlamasy júzege asyrý jalǵasady – Memleket basshysy
NUR-SULTAN. QazAqparat – «Aýyl – el besigi» baǵdarlamasyn júzege asyrý jalǵasatyn bolady. Bul týraly búgin Qazaqstan halqyna Joldaýyn jarııa etken QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Qazaqstan men Reseıdiń shekaralas óńirlerinde shamamen 30 mln adam ómir súredi, mıllıon turǵyny bar birneshe qala ornalasqan. Qaaqstandyq taýarlardy ilgeriletý úshin reseılik bılikpen tyǵyz ózar is-qımyl, ınvestıtsııa tartý – qazaqstandyq shekara mańyn damytýdyń óte mańyzdy faktory», - dedi Memleket basshysy.
QR Prezıdenti aýyl áleýetin tolyq ashý problemasy da strategııalyq mańyzdy másele bolyp qala beretindigin basa aıtty.
«Aýyldaǵy eń ótkir problemalardy sheshýge baǵyttalǵan «Aýyl – el besigi» baǵdarlamasyn júzege asyrý jalǵasatyn bolady. Óńirlik damýdyń jańa ádisteri ýrbanızatsııa protsesin basqarýǵa, «kóshi-qon tolqynynyń» kezeń-kezeńmen júzege asyrylýyn qamtamasyz etýge, iri qalalarda halyq sanynyń artyp ketip, áleýmettik shıelenisti boldyrmaýǵa múmkindik beredi», - dedi Qasym-Jomart Toqaev.
