Aýyl – el besigi: Aýdan ortalyqtaryna 670 mln teńgeden bólinbek
«Birinshiden, damý áleýetin jáne aǵymdaǵy ekonomıkalyq jaǵdaıyn taldaý negizinde tirek aýyldyq eldi mekender anyqtalady. Ekinshiden, árbir joba jáne eldi mekender boıynsha kózdelgen maqsattar negizinde jol kartasy ázirlenip jatyr. Úshinshiden, jobalardy iske asyrý jáne baqylaý múddeli memlekettik organdar men «Nur Otan» partııasyn tarta otyryp júzege asyrylatyn bolady. Halyqaralyq sarapshylarmen birigip, aldaǵy jyldary aýyldarǵa basymdyq berý úshin esepteý kórsetkishteri ádistemesi men modelderi jetildirilýde. Qajetti ınvestıtsııalar mólsheri pysyqtalyp, óńirlerdi qarjylandyrý kózderin anyqtaý qarastyrylyp jatyr», - dedi Jeńis Qasymbek Úkimet otyrysynda.
Vıtse-premerdiń aıtýyna qaraǵanda, tirek aýyldardy damytýda keshendi tásilder qoldanylady.
«Jobany iske asyrýǵa respýblıkalyq bıýdjetten 2019-2021 jyldary 90 mlrd teńge bólý kózdelgeni belgili. Onyń ishinde osy jyly 30 mlr teńge bólinedi. Óńirlerde ákimdiktermen birlesip, 52 eldi meken iriktelip alyndy. Onda 454 isshara iske asyrylatyn bolady. 247 shara kólik ınfraqurylymyn damytýǵa, 135 shara shara áleýmettik ınfraqurylymdy damytýǵa jáne 72 is-shara turǵyn úı kommýnaldyq sharýashylyǵyn damytýǵa baǵyttalǵan. Osy jyly basymdyq iri eldi mekenderge - ıaǵnı halyq sany kóp aýdan ortalyqtaryna aýdaryldy. Qazirgi ýaqytta aýdan ortalyqtaryndaǵy máseleler jyldam sheshýdi talap etýde. Qarjylandyrýdyń kólemi - bir aýdan ortalyǵyna shamamen 670 mln teńgeni quraıdy», - dep atap ótti Jeńis Qasymbek.
