Aýyl - el besigi: Arys qalasynda 40-tan asa kóshe jóndelip jatyr

ARYS. QazAqparat – Túrkistan oblysy Arys qalasynda «Aýyl - el besigi» baǵdarlamasy aıasynda 40-tan asa kóshe jóndelýde. Respýblıkalyq jáne oblystyq bıýdjet esebinen bólingen qarajatqa Montaıtas aýyl okrýginde - 14 kóshe jáne Aqdala aýyldyq okrýginde - 28 kóshe rettelmek, dep habarlaıdy QazAqparat tilshisi.

Aýdan ákimdiginiń málimetinshe, Arys qalasy aýmaǵynda jalpy paıdalanymdaǵy avtomobıl joldarynyń uzyndyǵy - 638,6 shaqyrym.

Bıyl jergilikti bıýdjet esebinen qala aýmaǵynda jalpy uzyndyǵy 13 shaqyrymdy quraıtyn 20 kóshege ortasha jóndeý jáne tas tóseý jumystary júrgizilmek.

Sonymen qatar, Arysta 67 kóshege orta jáne aǵymdaǵy jóndeý jasalady. Atap aıtqanda, 8 kóshede - aıaqjol men jaryqtandyrý jáne 6 kóshede - aıaqjol salý, 9 kóshede jaryqtandyrý jumysy júrgizilgen.

Jalpy 244 744 sharshy metr asfalt tóselip, 63 044 sharshy metr aıaqjol salynǵan.

Sondaı-aq, 454 tekshe metr aryq qoıylyp, 57 shaqyrym kóshe jaryqtandyrylǵan. 179 metr jasandy kedergi men 38 jol belgisi ornatylǵan.