«Aýyl - el besigi» arnaıy jobasy: Aýyldarda jas bıznesmenderdiń sany artpaq

ASTANA. QazAqparat - QR Aýyl sharýashylyǵy mınıstrligi «Rýhanı Jańǵyrý» baǵdarlamasynyń «Aýyl - el besigi» atty jańa arnaıy jobasy aıasynda birneshe negizgi ındıkatordy bóldi. Bul týraly atalǵan baǵdarlamany iske asyrý jónindegi Ulttyq komıssııanyń otyrysynda QR Aýyl sharýashylyǵy birinshi vıtse-mınıstri Arman Evnıev habarlady.

«Memleket basshysynyń Qazaqstan halqyna Joldaýynda bergen tapsyrmasyna sáıkes, Aýylsharýashylyq mınıstrligi «Rýhanı Jańǵyrý» baǵdarlamasy aıasynda «Aýyl - el besigi» atty jańa arnaıy jobany qaraýyńyzǵa usynyp otyr.

Elbasy qoldaýynyń arqasynda aǵymdaǵy jyldyń shilde aıynda 2017-2021 jyldary agroónerkásip keshendi damytýdyń memlekettik baǵdarlamasy jandandyrylǵan. Ózimiz kórip otyrǵanymyzdaı, AÓK-ti damytýdyń Memlekettik baǵdarlamasy bıznes protsester turǵysynan aýyl eńbekkerleriniń basym bóligin qamtyp otyr. Biraq aýylsharýashylyq óndirisiniń basqa salalardan aıyrmashylyǵy men onyń ereksheligi aýyl sharýashylyǵynyń tek óndiris salasy ǵana emes, el turǵyndarynyń úlken massasynyń ómir salasy bolǵanynda», - dep baıandady AShM vıtse-mınıstri. 

Osyǵan baılanysty vedomstvoda «Aýyl - el besigi» arnaıy jobasynyń «Rýhanı Jańǵyrý» baǵdarlamasynyń aıasyndaǵy jobalarmen janasý qajettiligi atap ótildi. 

Aıta keetıik, búgin Astanada Qoǵamdyq sanany jańǵyrtý baǵdarlamasy jónindegi ulttyq komıssııanyń otyrysy ótti.