«Aýyl – el besigi»: Aqmolada turǵyndarynyń ómir sapasy artyp keledi

KÓKShETAÝ. QazAqparat - Aqmola oblysynda «Aýyl – el besigi» baǵdarlamasy sheńberinde aýyldyq eldi-mekenderdiń ınjenerlik – kommýnıkatsııa ınfraqurylymdary jaqsarýda, dep habarlaıdy QazAqparat tilshisi oblystyq ishki saıasat basqarmasyna silteme jasap.

Vedomstvonyń málimetinshe, atalmysh baǵdarlama sheńberinde Bulandy aýdanynyń Kapıtonovka aýylynda áleýmettik nysandar men ınjenerlik – kommýnıkatsııa ınfraqurylymdar jańartylyp, abattandyrý jumystar júrgizilýde.

«Kóp jyldan beri Kapıtonovka aýyly turǵyndaryn aýyzsý máselesi tolǵandyryp keldi. Qazirgi tańda turǵyndardy sapaly aýyzsýmen qamtamasyz etý boıynsha sýmen jabyqtaý júıesine jóndeý jumystary júrgizilýde. Bul jumystardy jyl sońyna deıin aıaqtaý josparlanǵan. Sol kezde atalmysh eldi-mekendegi 340 úı sýmen jabdyqtalatyn bolady», - dep túsindirdi Bulandy aýdany ákimdigindegiler.

Sonymen qatar, aýylda 4 shaqyrym kóshege asfal tóselip, energııa únemdegish jaryq shamdary ornatyldy. Qazirgi kezde aýyl kóshesine 102 elektr baǵany ornatyldy. Sport alańynyń abattandyrylýy da aýyl turǵyndaryna qýanysh syılady. Tortandy jabyndysy bar vorkaýt alańy, qossyryq, beltemir, jasandy jabyndysy bar shaǵyn fýtbol alańynda aýyl turǵyndary sportpen shuǵyldanyp, bos ýaqyttaryn ótkize alady.

«Jańa sport alańynyń salynýy balalar men eresekterdiń sportpen shyǵyldanýyna jáne taza aýada serýendeýine múmkindik týǵyzyp otyr. Sonymen birge, aýyl kóshesine asfalt tóselip, jaryq shamdary ornatyldy. Bul árıne, memlekettiń aýyl turǵyndarynyń ómir sapasyn jaqsartý baǵytynda jasap otyrǵan qamqorlyǵy», - deıdi Kapıtonovka aýylynyń turǵyny Anatolıı Tertov.

Sondaı-aq, «Jumyspen qamtýdyń jol kartasy - 2020» baǵdarlamasy sheńberinde orta mektep ǵımaratynyń shatyry aýystyrylyp, aýyl klýbynyń jylytý júıesine kúrdeli jóndeý jumystary júrgizildi.