Aýyl – el besigi: Aqmola oblysynyń Zerendi aýdanynda 12 joba iske asyrylýda

KÓKShETAÝ. QazAqparat – Aqmola oblysynyń Zerendi aýdanyna «Aýyl – El besigi» baǵdarlamasy sheńberinde 12 ınvestıtsııalyq jobany júzege asyrý úshin 536 mıllıon teńge bólindi. Bul týraly aýdan ákimi Baýyrjan Ǵaısa málim etti, dep habarlaıdy QazAqparat tilshisi.

Ákimniń aıtýynsha, jol men aýylishilik kóshelerdi jóndeý úshin jergilikti bılik tarapynan zor kóńil bólinýde. Jyldan-jylǵa aýdannyń jol ınfraqurylymy jaqsarýda.

«Bıylǵy jyly Vıktorovka aýylynda 96 mıllıon teńgege 4,6 shaqyrym jol jáne 348 mıllıon teńgege sý qubyry jelisi jóndeldi. Aýdandyq mańyzdaǵy joldar men 11 eldi mekendegi (Alekseevka, Prırechnyı, Elikti, Shaǵalaly, Zerendi, Pavlovka, Sadovyı, Prırechnyı, Uıaly, Prırechnyı-Shaǵalaly, Qaraózek-Jańatilek, Ortaq-trassa, Zerendi-Kókterek, Seıfýllın-Qaraózek, Pavlovka-Prırechnyı, Qanaı bı -Jamantuz) kóshelerdi jóndeý úshin 652 mıllıon teńge bólindi.

Oblystyq mańyzdaǵy (Elenovka-Chıstopole-Esil, Qonysbaı-Seıfýllın- Qyzylsaıa) joldarǵa 1,4 mıllıard teńge qarjy bólinip, jóndeý jumystary júrgizilýde», - deıdi Baýyrjan Ǵaısa.

Aýdan ákimi atap ótkendeı, jóndeý jumystary oblystyq jáne jergilikti mańyzdaǵy avtomobıl joldarynyń jaǵdaıyn 54 paıyzǵa jaqsartýǵa múmkindik beredi.