Aýyl balalary aǵylshyn tilin qalalyq óz qurbylarynan kem bilmeýi kerek - Almatydaǵy semınar
ALMATY. 28 naýryz. QazAqparat /Názıra Eleýhan/ - Almatyda Abylaı han atyndaǵy Qazaq halyqaralyq qatynastar jáne álem tilderi ýnıversıtetinde, atalmysh oqý ornynyń uıymdastyrýymen aýyldy jerlerde aǵylshyn tilinen dáris beretin muǵalimderge bilimderin jetildirýge arnalǵan semınar ótip jatyr.
Oǵan Almaty, Jambyl jáne Ońtústik Qazaqstan oblystarynan kelgen 31 muǵalim qatysýda.
Semınardyń maqsaty - pedagogıkalyq tájirıbemen almasý, bilimderin jetildirý, oqytýdyń jańa ınnovatsııalyq joldarymen tanysý, sonymen qatar, pedagog mamandyǵynyń mártebesin kóterý, basqa tilde dáris beretin muǵalimderdi daıyndaý bolyp tabylady.
"Bizdiń maqsatymyz tek aǵylshyn tilin úıretý emes, baılanys ornatyp, tájirıbe almasý. Biz sonymen qatar, semınar tyńdaýshylaryna aǵylshyn tilin úırenýdegi ár túrli ınnovatsııalyq tehnologııalardyń negizderin tanystyramyz, jańa oqytý joldaryn kórsetemiz. Mundaǵy maqsattarymyz aýyl muǵalimderiniń biliktilikterin arttyrý. Meniń oıymsha, búgingi aýyl balalary aǵylshyn tilin qalalyq óz qurbylarynan kem bilmeýi kerek",-dedi Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń dotsenti Janna Tutbaeva.
