«Aýyl amanaty» jobasyn iske asyrýǵa 100 mlrd teńge jumsalady
«Aýyl amanaty» aýyl turǵyndarynyń tabysyn arttyrý jobasyn iske asyrý bastalady. Bıylǵa 100 mlrd teńge qarastyrylǵan. Bul aýyl halqyna 2,5 paıyzben 17 myńnan astam jeńildetilgen shaǵyn nesıe berýge jáne aýylda 18 myńnan astam jumys ornyn qurýǵa múmkindik beredi. Shaǵyn nesıeleýden basqa agroónerkásip kesheni salasyndaǵy iri ınvestıtsııalyq jobalardy iske asyrý boıynsha Soltústik Qazaqstan oblysynyń tabysty tájirıbesin keńeıtý josparlanyp otyr. Osy baǵdarlamany iske asyrýǵa respýblıkalyq bıýdjet qarajatynan 100 mlrd teńge somasynda bıýdjettik kredıt bólindi. Onyń esebinen jyldyq 2,5 paıyzben taýarlyq-sút fermalarynyń qurylysy qarjylandyrylatyn bolady», - dedi mınıstr.
Onyń atap ótýinshe, keleshekte qus etin men balyq óndirý, qarqyndy sýarý, saqtaý qýattylyqtaryn engizý boıynsha ınvestıtsııalyq jobalar pýlyn arttyrý josparlanǵan.
«2024-2025 jyldarǵa qarjylandyrýǵa qosymsha qajettilik 300 mlrd teńgeni quraıdy. Negizgi azyq-túlik taýarlary boıynsha ımportty almastyrý máselesi 2026 jylǵa deıin agroónerkásip kesheni salasynda jalpy somasy 2,8 trln teńgeni quraıtyn 900 ınvestıtsııalyq jobalardy iske asyrý jolymen keshendi túrde sheshiledi», - dedi Erbol Qarashókeev.
