Aýyl amanaty: Jetisý oblysynda malshylar kooperatsııa qurýdy josparlap otyr

ASTANA. QazAqparat – «Aýyl amanaty» baǵdarlamasy aıasynda Jetisý oblysyna aýyl turǵyndarynyń ál-aýqatyn jaqsartý maqsatynda 3,2 mlrd teńge bólinedi. Bul týraly Premer-Mınıstrdiń orynbasary Altaı Kólginovtiń Kerbulaq aýdany turǵyndarymen kezdesýinde aıtyldy, dep habarlaıdy QazAqparat Úkimettiń resmı saıtyna silteme jasap.

Baǵdarlamaǵa qatysýǵa Jetisý turǵyndarynan 550-ge jýyq ótinish túsken, olardyń 90%-ǵa jýyǵy mal ósirýmen jáne sút óndirisimen aınalyspaq. Mal sharýashylyǵy boıynsha jobalaryn usynǵan turǵyndar kooperatsııa qurýdy josparlap otyr.

«Qaýymdastyq 27 mln ​​teńge kóleminde nesıe alýǵa kómektesedi, al aýyl sharýashylyǵy tehnıkasy satyp alynǵan jaǵdaıda, onyń 50%-yn memleket sýbsıdııalaıdy. Kooperatsııa arqyly jem-shópti birlese satyp alýǵa, daıyn ónimdi satýǵa, esep-shot júrgizýge bolady», - dedi Altaı Kólginov.

Kerbulaq aýdany týrısterge, ásirese sheteldik týrıster úshin tartymdy óńir. Sol sebepti, belsendi aýyl turǵyndary týrıstik jobalardy da usynyp otyr.

Óńirdiń qant qyzylshasyn ósirýge áleýeti jeterlik. Elimizdiń birneshe aımaǵynda qant qyzylshasy ósirilgenimen, ár maýsym saıyn qant tapshylyǵy seziledi. Munyń aldyn alý úshin, jeke menshiktegi iri sharýa qojalyqtarymen birlesip, osy baǵytty damytýǵa zor múmkindik bar.

«Aýyl amanaty» baǵdarlamasy aıasynda sút taýarly fermalar syndy negizgi jobalarǵa qoldaý kórsetiledi. Bul, óz kezeginde, tutynýshylardy elimizde óndirilgen sútpen qamtamasyz etedi.

«Memleket basshysy bekitken «Aýyl amanaty» baǵdarlamasynyń maqsaty – aýyl turǵyndaryn jumyspen qamtý. Búginde respýblıka boıynsha aýyl-aımaqta 18 myńnan astam jeke qosalqy sharýashylyq qurý úshin 100 mlrd teńge bólindi. Bul biregeı baǵdarlama arqyly aýyl turǵyndaryna 2,5%-ben 8 mln teńgeden astam nesıe beriledi. Óńirdiń aýyl sharýashylyǵy salasy boıynsha zor áleýetin eskere, ony ári qaraı damytý óte mańyzdy», - dep atap ótti Premer-Mınıstrdiń orynbasary.