Aýyl ákimi halyqtyń kóńilinen shyǵýy úshin jumys isteýi tıis - Berik Ábdiǵalıuly
«Elimizde úlken naýqan ótip, 800-ge jýyq aýyldyń ákimi saılandy. Bul bastamasy ǵana. Jyl saıyn ákimderiniń qyzmet merzimi aıaqtalǵan aýyldarda saılaý ótedi. Osy joly halyq saılaýǵa belsendi qatysty. Degenmen, áli de aldaǵy ýaqytta belsendilik kúsheıedi dep oılaımyn. Eń aldymen halyqtyń saılaýǵa qatysýy jáne úmitkerlerdiń kóbeıýýin atap ótken jón. Bul óte úlken saıası sheshim. Jalpy, áleýmettik saýalnama nátıjesinde turǵyndardyń 30 paıyzy aýyldyń bolsyn, qalanyń ne aýdannyń bolsyn ákimine kóńili tolmasa, onda olardyń qyzmetine saı keletindigin qaıta qarastyrý kerek. Ákimder halyqtyń kóńilinen shyǵýy úshin jumys isteýi tıis», - dedi Májilis depýtaty «Joldaý 2021: iske asyrý joldary» taqyrybyna arnalǵan dóńgelek ústel otyrysy barysynda
Onyń atap ótýinshe, aýyl ákimderi jergilikti jerde mal jaıylymy, aýyl kóshelerin jóndeý, tazalyq syndy máselelerdi sheshýi qajet.
«Ákim aýyl turǵyndarynyń múddesin aýdan ákiminiń , aýdandyq máslıhat aldynda qorǵaı bilýi kerek. Aýylda oryn alǵan daý-damaıdy da, janjaldy da sheshe alatyn, turǵyndardy uıystyra biletin kóshbasshysy bolýy tıis. Sonymen qatar bıýdjetten jáne bıýdjetten tys ınvestıtsııa tarta bilýi tıis. Qaı aýylǵa kóp qarjy quıylyp jatsa, onda sol aýyldyń ákimi belsendi degen sóz. Onyń jumysyn da jaqsy baǵalaýǵa bolady», - dedi Berik Ábiǵalıuly.
