Aýyl ákimderiniń saılaýy demokratııalyq saılaý úderisterine saı ótti - OSK
OSK tóraǵasynyń aıtýynsha, ákimderdi saılaý naýqany barysynda barlyq deńgeıdegi saılaý komıssııalaryna jeke jáne zańdy tulǵalardan 42 ótinish kelip túsken. Soǵan oraı, barlyq ótinishter zańnamada belgilengen tártippen jáne tıisti merzimderde qaraldy. Ákimdikke kandıdattardyń 1450 senim bildirgen adamy, saıası partııalar men úkimettik emes uıymdardyń 202 baıqaýshysy jáne BAQ-tyń 559 ókili daýys berý barysyn baqylaǵan.
«Jalpy saılaý naýqany qoldanystaǵy zańnama men demokratııalyq saılaý úderisteriniń normalaryn saqtaı otyryp, uıymdasqan túrde ótti dep esepteımiz», - dedi Q. Turǵanqulov.
Eske sala keteıik, QR Prezıdentiniń Jarlyǵyna sáıkes, aǵymdaǵy jyldyń 5-9 tamyz aralyǵynda elimizdiń 14 oblysynda aýdandyq mańyzy bar qalalar, aýyldyq okrýgter, aýyldyq okrýgterdiń quramyna kirmeıtin kentter men aýyldardyń 2457 ákiminiń saılaýy ótip, barlyǵy 2454 ákim saılandy. Úsh aýyldyq okrýgte jeńimpazdar anyqtalǵan joq. Sebebi tańdaýshylardyń daýystary teń bólindi. Endi osy úsh ákimshilik aýmaqtyq qurylymdarda tamyzdyń 28-inde qaıta saılaý ótkiziledi.
