Aýyl ákimderiniń esebi bastaldy - Qyzylorda
QYZYLORDA. QazAqparat - Búgin Memleket basshysynyń Jarlyǵyna sáıkes Qyzylorda oblysy Shıeli aýdany Tóńkeris aýyldyq okrýginiń ákimi Murat Áshirbekovtiń 2016 jylǵy atqarǵan jumystary jáne aldaǵy atqarylatyn mindetteri baǵytyndaǵy jumystary boıynsha esepti kezdesýi bolyp ótti.
Bul týraly QazAqparat HAA tilshisi oblystyq ákimdikke silteme jasap habarlady.
Tóńkeris aýyldyq okrýgi boıynsha egilgen daqyldardyń ár gektarynan: kúrish - 60,8 tsn/ga, barlyǵy - 8912 tonna, bıdaı - 10 tsn/ga, barlyǵy - 160 tonna, eski jońyshqa - 70 tsn/ga, barlyǵy - 5075 tonna, kartop - 250 tsn/ga, barlyǵy - 1125 tonna ónim jınaldy.
Sonymen birge aýylda memlekettik baǵdarlamalar kezeń-kezeńimen oryndalýda. Atap aıtqanda, shaǵyn jáne orta kásipkerlikti damytýda 17 saýda núktesi, 1 kúrish aqtaý dıirmeni jáne 40 oryndyq monsha turǵyndarǵa qyzmet kórsetedi. 2016 jyly «Jumyspen qamtý -2020» baǵdarlamasynyń ІІ baǵyty boıynsha káspkerlikpen aınalysý úshin barlyǵy 9 adam 31 000 000 teńge kóleminde nesıe alyp, kásipkerlikpen aınalysýda.
2016 jyldyń jaǵymdy jańalyǵynyń biri ol - jańadan tıptik jobadaǵy dárigerlik ambýlatorııanyń aýyl turǵyndarynyń paıdalanýyna berilýi bolyp otyr.
Aldaǵy ýaqytta sport keshenin salý jáne aýylishilik Ýálıhanov, Dúısekov, Sapahov, Abaı jáne Abaı burylysy kóshelerin ortasha jóndeýden ótkizý josparda bar.
Esepti kezdesýde aýyl aqsaqaldary men turǵyndary óz oı-pikirlerin ortaǵa salyp, jasalyp jatqan jumystarǵa oń baǵasyn berdi.
