Aýyl ákimderin saılaý: Úmitkerlerge qoıylatyn talap jeńil bolýy kerek

NUR-SULTAN. QazAqparat – Ulttyq qoǵamdyq senim keńesiniń saıası reformalar jónindegi toby aýyl ákimderin saılaýǵa qatysty usynystaryn jarııa etti, dep habarlaıdy QazAqparat tilshisi.

«Aýyl ákimderin saılaý týraly bul ıdeıany siz (Prezıdent - avtor) óz Joldaýyńyzda da aıttyńyz. Bul jerde de jalpyǵa teń jáne tóte saılaý ótkizý kerek. Daýys berý jasyryn túrde bolýy tıis. Kelesi jyly kent, aýyl jáne aýyldyq okrýg ákimderin saılaý kerek. Mysaly eger saılaý oń nátıje berse ony kezeń-kezeńmen basqa deńgeıde de júzege asyrý durys dep sanaımyz. Bul jerde kez kelgen azamattyń saılaný quqyǵyn shektemeý kerek dep esepteımiz», - dedi Ultyq keńes múshesi Maksım Spotkaı keńestiń tórtinshi otyrysynda.

Onyń aıtýynsha aýyl ákimi laýazymyna úmitkerlerge qoıylatyn talap ta jeńil bolýy kerek.

«Ol úshin úmitkerdiń 25 jasqa tolýy, tıisti eldimeken aýmaǵynda sońǵy úsh jylda turaqty turýy, joǵary nemese orta arnaýly bilimi bolýy shart. Halqymyzda «ákim bol, halqyńa jaqyn bol» degen sóz bar. Sondyqtan aýyl ákimderin saılaý bastamasy shyn máninde halyq pen bılik arasyn jaqyndastyra túsedi degen senimdemiz», - dedi ol.