Aýyl ákimderi jıyndaryndaǵy sheshimder BAQ-ta jarııalanady
ASTANA. 19 qarasha. QazAqparat - Aýyl ákimderi jıyndaryndaǵy sheshimder buqaralyq aqparat quraldarynda jarııalanady. Bul týraly búgin Ortalyq kommýnıkatsııalar qyzmetinde ótken brıfıngte QR Prezıdenti Ákimshiligi basshysynyń orynbasary Ǵabıdolla Ábdirahymov aıtty.
Onyń aıtýynsha, jergilikti ózin-ózi basqarý múmkindikterin keńeıtý aıasynda jergilikti turǵyndar aýyldyń tabystary men shyǵystaryna qatysý, jıyndar men jınalystarda aýyl ákiminiń jumysyn baqylaý quqyǵyna ıe boldy.
«Jıyndar men jınalystar sheshimderi buqaralyq aqparat quraldarynda jarııalanady jáne sheshim qabyldaý úshin aýyl ákimderi olardy mindetti qaraýy tıis. Aýyl ákimderi saılaýynyń qorytyndylary boıynsha Prezıdent úndeý jasady. Onda ol aýyl ákimderi jumysynyń basty baǵyttaryn aıqyndap berdi», - dedi Ǵ.Ábdirahymov.
