Aýyl ákimderi men demeýshiler 8 memorandýmǵa qol qoıdy - Jambyl oblysy
Sonymen qatar, Taraz qalasyndaǵy «Dostyq úıinde» aýdandyq mańyzy bar qala, aýyldyq okrýgter jáne aýyl ákimderine arnalǵan arnaıy semınar-keńes bolyp ótti, dep habarlaıdy Jambyl oblysy ákimdiginiń resmı saıty .
Semınar-keńes qarjy-ekonomıkalyq saıasat, áleýmettik, aýyl sharýashylyǵy, kásipkerlikti damytý, týrızm, eńbek qatynastarynyń ózekti máseleleri jáne ınfraqurylymdy damytý taqyryptaryna baǵyttaldy.
Oblys ákiminiń birinshi orynbasary B.Orynbekov basqosýda jergilikti memlekettik jáne ózin-ózi basqarýdy odan ary damytýdyń mańyzdylyǵyna toqtaldy.
- Búginde Memleket basshysy tarapynan jergilikti ózin-ózi basqarý máselesine basa nazar aýdarylýda.
Onyń aıqyn dáleli retinde Elbasynyń «100 naqty qadam» Ult josparynyń memlekettik apparat qalyptastyrý dep atalatyn besinshi bóligindegi esep beretin aýyldyq okrýg, aýyl, aýdandyq mańyzdaǵy qala deńgeıinde jergilikti ózin-ózi basqarýdyń derbes bıýdjetin engizý (98-qadam) máselelerin aıtsa da bolady.
2013 jyldan bastap aýyldyq okrýgter, aýyldar men aýdandyq mańyzy bar qalalar ákimderin saılaý júrgizilip keledi. Búgingi kúni jergilikti memlekettik jáne ózin-ózi basqarýdy odan ary damytý maqsatynda jergilikti qoǵamdastyqtar quryldy, barlyq ákimdikke kandıdattar aldyn ala jergilikti qoǵamdastyqpen kelisilýde, - dedi óz sózinde B.Orynbekov.
Sonymen qatar, barlyq deńgeıdegi ákimderge memlekettik qyzmettiń jańa modeli týraly, respýblıkalyq jáne jergilikti bıýdjettiń kiris bóligin oryndaý máseleleri, sondaı-aq jergilikti atqarýshy organdardaǵy oryndaýshylyq tártip týraly baıandamalar oqylyp, qoıylǵan suraqtarǵa jaýap berildi.
Oblys ákiminiń birinshi orynbasary Elbasy Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynda kórsetilgen tapsyrmalardy aýdandyq mańyzy bar qala, aýyldyq okrýgter jáne aýyldarda qalaı iske asyrý kerektigine jeke-jeke toqtaldy.
- Sizderdiń aldaryńyzda turǵan mindetter orasan zor. Ákimder eldiń uıtqysy bolýy kerek. Ózderińiz bilesizder, aǵymdaǵy jyly Memleket Basshysy «Bolashaqqa baǵdar: rýhanı jańǵyrý» atty baǵdarlamalyq maqalasyn jarııalady. Onyń aıasynda Baǵdarlamanyń basym mindetteri: qazaq tilin birtindep latyn álipbıine kóshirý, «Týǵan jer», «Qazaqstandaǵy 100 jańa esim», «Qazaqstannyń qasıetti rýhanı qundylyqtary» atty jobalaryn iske asyrý bolyp tabylady, - dedi B.Orynbekov.
Eske sala keteıik, semınar-keńeske oblys ákimdiginiń basqarma basshylary men barlyq deńgeıdegi ákimderden quralǵan barlyǵy 250 adam qatysty.
