Aýyl ákimderi bıýdjetti tıimdi jumsaý kýrstarynan ótýde
2018 jyldyń basynan beri Pavlodar oblysynda turǵyndar sany eki myń adamnan asatyn aýyldardyń derbes bıýdjeti bar.
QR Prezıdenti janyndaǵy Memlekettik basqarý akademııasynyń Pavlodar oblysy boıynsha fılıalynda 32 aýyldyq aımaq ákimderi úshin oqytý semınary uıymdastyryldy. Onda ákimder bıýdjettik úrdis pen kommýnaldyq menshikti basqarýǵa, vedomstvolyq ákimshilik-aýmaqtyq birliktiń salyqtyq áleýetin eskere otyryp, kiris bazasyn qurýǵa úırenýde.
Semınardyń nátıjesinde belgili bir aýyldyq aımaqtyń eń negizgi áleýmettik máselelerin sheshýge baǵyttaǵan 32 joba jasaldy.
«Bıýdjettiń 4-shi derbes deńgeıine ótken aýyldyq aımaqtar ákimderine arnalǵan semınar biz úshin óte ózekti. Bizge jobalyq menedjmentti úıretti. Bul jerde akademııa fılıalynyń tálimgerlerimen, memlekettik basqarý jáne oblystyq basqarmalar sarapshylarymen birigip, tikeleı aýyldarǵa arnap jobalardy jasaımyz, olardy birden qorǵaımyz. Barlyq jobalar bolashaqta tájirıbe júzinde iske asyrylatyn bolady», - dedi Tereńkól aýdany, Tereńkól aýylynyń ákimi Danııar Aıtyshev.
Aıta keteıik, bıyl QR Prezıdenti janyndaǵy Memlekettik basqarý akademııasynyń Pavlodar oblysy boıynsha fılıaly birqatar semınar ótkizdi. Olardyń barysynda memlekettik bıýdjettiń tórtinshi deńgeıin engizý úrdisteri zertteldi. Solardyń biri BUU Damý baǵdarlamasy men QR Ulttyq ekonomıka mınıstrligimen birlesip, ústimizdegi jyldyń 16 qazanynda Baıanaýyl aýylynda ótti. Semınarda Baıanaýyl, Maı, Sharbaqty, Aqqýly aýdandary men Aqsý, Ekibastuz qalalarynyń 50 ákimi bilimderin jetildirdi.
Budan bólek, Pavlodar oblysy apparatynyń bastamasymen 12-13 qarasha aralyǵynda bıýdjettiń tórtinshi deńgeıin engizgen 67 aýyldyq aımaq ákimderimen «Jeke bıýdjetti qurý. Ákimshilik aıyppul salýdyń tártibi» taqyrybynda semınar ótti.
Degenmen, jergilikti ózin-ózi basqarý bıýdjetin engizý boıynsha ákimderdiń jaýapsyz qalǵan suraqtary da bar. Osy maqsatta QR Prezıdenti janyndaǵy Memlekettik basqarý akademııasy respýblıka kóleminde qarasha-jeltoqsan aılarynda «Aımaqtyń damýyna baǵyttalǵan jergilikti ózin-ózi basqarý júıesiniń transformatsııasy» 1062 aýyldyq aımaq ákimi úshin shara ótkizedi.
