Aýyl adamdary arasynda ıslam dinin ustanatyndardyń úlesi basym - QR Ulttyq halyq sanaǵy
ASTANA. 29 qarasha. QazAqparat /Jasulan Amanbaıuly/ - Eldegi halyqtyń 70 paıyzy ıslam, 26,2 paıyzy hrıstıan dinderin ustanady. QR Ulttyq halyq sanaǵynyń nátıjelerine arnalǵan statıstıkalyq jınaqtyń tanystyrylmynda QR Statıstıka agenttiginiń tóraǵasy Álıhan Smaıylov málim etti.
Agenttik derekterine sáıkes, qala halqyna qaraǵanda aýyl adamdary arasynda ıslam dinin ustanatyndardyń úlesi basym kórinedi.
«Qala halqynyń 61 paıyzy ıslam dinin ustanatyn bolsa, aýyldy jerlerinde 80 paıyzdan astamy ıslam dininde ekendikterin kórsetken. Hrıstıan dini, kerisinshe, qala halqynyń arasynda keń taraǵan. Aýylda 16,8 paıyz hrıstıan dininde bolsa, qalada 34 paıyzy osy dindi berik ustanady», dep atap kórsetti Á. Smaıylov.
Respýblıka halqynyń dinı ustanymdary jónindegi basqa da tyń aqparattar jaqynda ǵana jaryqqa shyǵarylyp, búgin tanystyrylymy bolǵan QR Ulttyq halyq sanaǵynyń nátıjelerine arnalǵan statıstıkalyq jınaqta tolyǵymen kórinis taýyp otyr. Onyń elektrondyq nusqasy Agenttiktiń saıtynda ornalastyrylǵan.
