Aýtızmi bar balalardyń bilim alýyna jaǵdaı jasalýda - «Bolashaq» KQ
ASTANA. QazAqparat - Aýtızm dıagnozy bar árbir bala mektepte laıyqty deńgeıde bilim alýǵa qaýqarly. Bul týraly búgin Astanadaǵy «Keruen» OSO-da Búkilálemdik aýtızm máselesi týraly aqparat taratý kúnine oraı qaıyrymdylyq naýqany barysynda ata-analar aıtty, dep habarlaıdy QazAqparat.
Aıta keteıik, bul shara barysynda aýtızmi bar balalardyń barlyǵymen orta mektepterde bilim alýyna jaǵdaı jasaýǵa arnalǵan málimetter berilip jatyr.
Janna Mersaǵatova esimdi ata-ana búgingi naýqandy qoldaý úshin arnaıy kelip otyr. Onyń balasy aýtızmi bar balalarǵa qoldaý jasaýǵa arnalǵan baǵdarlama boıynsha birinshi synypta bilim alyp jatyr.
«Osy sharaǵa ata-ana retinde qatysyp jatyrmyn. Qaıyrymdylyq naýqany aıasynda «Bolashaq» Korporatıvtik qorynyń uıymdastyrýymen arnaıy sómkelerdi daıyndaýdamyz. Atap aıtqanda, Qor aýtızmi bar balalarǵa qoldaý jasap, búldirshinderdi ınklıýzıvti baǵdarlamaǵa engizýge qajetti jumystardy júzege asyrýda. ıAǵnı, árbir bala mektepte laıyqty deńgeıde bilim alýǵa tıisti. Aýtızm dıagnozy bar ár bala ózgelermen birdeı orta mektepte bilim alýǵa qaýqarly. Ol úshin arnaıy baǵdarlama iske asyrylýda», - dep atap ótti Janna Mersaǵatova.
Shara barysynda balalar salǵan sýrettermen bezendirilgen sýretterdi 1 myń teńgege satyp alýǵa bolady. Barlyq túsken qarajat «Bolashaq» Korporatıvtik qorynyń «Ár bala mektepke laıyqty» jobasyn iske asyrýyna baǵyttalady. Negizgi maqsat - el turǵyndaryna aýtızm problemasy týraly barynsha aqparat berý.
Onyń sózine qaraǵanda, qaıyrymdylyq naýqany kezinde jınalǵan qarjy aýtızmge shaldyqqan jetkinshekterge qoldaýǵa arnalǵan qorǵa baǵyttalady.
«Meniń balam osy baǵdarlama boıynsha birinshi synypta bilim alyp jatyr. Sáıkesinshe, jasalǵan qoldaýdyń arqasynda balamnyń oqýynda aıtarlyqtaı ilgerileý bar. Sondyqtan búgingi sharada ata-analar, mamandar, «Bolashaq» Korporatıvtik qory ókilderi bir komanda retinde jumys istep jatyrmyz», - Janna Mersaǵatova.
Óz kezeginde «Bolashaq» korporatıvti qorynyń dırektory Dınara Sháıjúnisova demalys kúnderi saýda ortalyqtaryna adamdar kóp kelgendikten, «Keruen» SOSO-da Búkilálemdik aýtızm máselesi týraly aqparat taratý sheshimi jasalǵanyn jetkizdi.
«Sondyqtan búgingi túrli shyǵarmashylyq ári oıyn túrindegi sharalar arqyly qoǵamnyń nazaryn aýdarýdy jón kórdik. Atap aıtqanda, aýtızm dıagnozy bar balalar barlyǵymen birdeı bilim alýǵa qaýqarly, qoǵamdyq ortada laıyqty deńgeıde beıimdele alady. Sondyqtan bul balalarǵa tek qoldaý jasaý kerek», - dedi Dınara Sháıjúnisova.
Eske sala keteık, jyl saıyn osy kúni kók sharlar ushyrylady. Kók tús - ol Autism Speaks atty úlken qoǵamdyq uıymnyń fırmalyq belgisi (2005 jyly negizin qalaǵan). Sondyqtan uıymdastyrylyp otyrǵan sharanyń taqyryby osy túste bezendirilgen.
