«Aýtızmdi jeńýge bolady» jobasy aıasynda osy dertke dýshar bolǵan 30 bala tekserýden ótýde
ASTANA. QazAqparat - 24-26 naýryz kúnderi «University Medical Center» korporatıvtik qorynyń fılıaly Respýblıkalyq dıagnostıkalyq ortalyqta aýtızmmen aýyratyn 30 balaǵa fýnktsııalyq magnıtti-rezonanstyq tomografııa (budan ári - MRT) jasaýda.
Bul zertteýlerdi ótkizýge Reseıdiń Nevrologııa ǵylymı ortalyǵynyń aǵa ǵylymı qyzmetkeri R.Konovalov shaqyrylǵan. Zertteýler «DOM» qaıyrymdylyq qory 2008 jyldan beri iske asyryp kele jatqan «Aýtızmdi jeńýge bolady» jobasy aıasynda ótkizilýde.
2014-2015 jyldary Respýblıkalyq dıagnostıkalyq ortalyq bazasynda aýzıtmmen aýyratyn 3 pen 13 jas aralyǵyndaǵy 58 balaǵa úsh fýntsııalyq MRT jasaldy.
Aıta ketý kerek, bas mıynyń fýnktsııalyq MRT-zertteýi Qazaqstanda alǵash ret Respýblıkalyq dıagnostıkalyq ortalyqta ótkizildi.
MRT zertteýdi ótkizý barysynda mıdyń fýnktsııalyq neırondyq jelileriniń ózgerýi men damýyn fýnktsııalyq MRT arqyly qujattaý jáne saraptaý ádistemesi ǵana emes, MRT sharasyna tómen fýnktsııalyq aýtısterdi eki aptadan bir aıǵa deıingi aralyqta daıarlaý ádisi pysyqtalady. Psıhıatr dárigerleriniń keńesteri beriledi.
Ótkizilgen MRT zertteýlerdiń nátıjesinde joǵary psıhıkalyq fýnktsııalar tolyq qalpyna kelýi múmkin degen qorytyndy jasaldy. Sondaı-aq, zertteýler negizinde aýtızm dertin eńserý boıynsha usynys, keńester berilýi múmkin.
